Radius Schwarzschildianus

Radius Schwarzschildianus est parametrum physicum quod in metrica Schwarzschildiana^(en)(d) radium horizontis eventuum foraminis nigri indicat. Cuique massae est suus peculiaris radius Schwarzschildianus (exempli gratia, radius Schwarzschildianus Telluris est 0.887 cm), et quaeque massa intra sphaeram sui radii Schwarzschildiani compressa foramen nigrum appellatur.

Nomen radii Schwarzschildiani in honorem astronomi Caroli Schwarzschild^(en)(de)(d) electum est, qui solutionem exactam theoriae relativitatis generalis ad casum foraminum nigrorum non rotantium attinentem computavit.

Radius Schwarzschildianus per sequentem aequationem definitur,

r_{\text{s}}={\frac {2GM}{c^{2}}}

ubi $G$ est constans gravitatis, $M$ est massa corporis, et $c$ est celeritas lucis.^[1]^[2]

Tamquam formula ostendit, sic cum massa crescat densitas foraminis nigri decrescit, ergo omni densitati ( $ρ$ ) est suus peculiaris radius Schwarzschildianus:

r_{\text{s}}={\sqrt {\frac {3c^{2}}{8\pi G\rho }}}

Exempli gratia, densitas aquae est 1000 kg/m³, ergo maxima sphaera aquea quae non fit foramen nigrum radium habet 400920754 km (circa 2.67 UA). Cum densitas universi aestimetur 8.5 × 10⁻²⁷ kg/m³, maximus radius qui foramen nigrum non gignit est circa 14545269281 annorum luce mensorum, qui etiam est fere radius universi observabilis.^[3]

Notae recensere

↑ Kutner, Marcus (2003). Astronomy: A Physical Perspective. Cambridge University Press. p. 148. ISBN 9780521529273
↑ Guidry, Michael (3 Ianuarii 2003). Modern General Relativity: Black Holes, Gravitational Waves, and Cosmology. Cambridge University Press. pp. 92. ISBN 978-1-107-19789-3
↑ Carroll, Ioannes (28 Aprilis 2010). The Universe is Not a Black Hole. . Discover Magazine

Nexus interni

[1] Kutner, Marcus (2003). Astronomy: A Physical Perspective. Cambridge University Press. p. 148. ISBN 9780521529273

[2] Guidry, Michael (3 Ianuarii 2003). Modern General Relativity: Black Holes, Gravitational Waves, and Cosmology. Cambridge University Press. pp. 92. ISBN 978-1-107-19789-3

[3] Carroll, Ioannes (28 Aprilis 2010). The Universe is Not a Black Hole. . Discover Magazine

[1]

[2]

[3]