Premyslidae
Přemyslidae[1] (Bohemice Přemyslovci) fuerunt gens ducum regumque Cechiae.
Origines Přemyslidarum fabulosae sunt. Cosmas Pragensis ait Primislaum I (Přemysl) agricolam fuisse, quem Libussa fatidica Bohemorum iudex et ducissa virum sibi eligit. Septem duces e posteritati Primislai et Libussae fabulosi fuisse videntur, et solum octavus, Borzivoius I, monumentis historicis secunda parte saeculi noni testificatus est.
Ineunte saeculo decimo Vratislaus a Henrico IV marchionatus Misniae[2] et Lusatiae[3] necnon regis titulum accepit. Filius eius Wencleslaus, a fratre Boleslao anno 929 vel 935 necatus, postea inter sanctos adscitus est et tamquam patronus Bohemiae habetur usque ad praesentem diem. Boleslaus I et Ulricus Moraviam adiunxerunt, Bretislaus I Silesiam, qua perdita potestatem imperatoris Romani agnovit. Titulo regis iterum (anno nempe 1158) a Friderico Barba Rubra accepto Vladislaus II utebatur; Primislaus Ottocarus I regis titulum tertia vice anno 1203 accepto hereditati suae eum tradidit. Primislaus Ottocarus II nepos eius (Venceslai I filius) terras omnes usque ad mare Adriaticum adiunxit (Austriam, Styriam, Carinthiam, Carniolam, et Forum Iulii), sed a Rudolpho I victus in pugna periit, filiusque eius Venceslaus II Bohemiam et Moraviam tantum servavit. Venceslaus III filius eius adulescens quamquam coronas Bohemiae, Poloniae et Hungariae acceperat, nullam servavit et mox occisus (anno 1306) heredes non reliquit.
Premyslidarum ramus minor a Nicolao I Primislai Ottocari II filio notho ducatus Oppaviae et Ratiboriae usque ad annum 1521 rexit.
Notae
recensere- ↑ E.g., Codex juris Bohemici: tomus I, aetatem Přemyslidarum continens (Pragae: 1867).
- ↑ E.g. tabula Hugonis Allard.
- ↑ E.g., tabula Matthaei Seutter(de), c. 1730.
Nexus externi
recensere- Encyclopaedia Britannica. (Anglice).
- Encyclopaedia Russica magna. (Russice).
- Universalis. (Francogallice).
- Collegium Carolinum, institutum historiae Bohemicae cognoscendae.
- Stemma ducum.