Pax Palatii Belli Fontis
Pax Palatii Belli Fontis 14 Octobris 1809 in Palatio Belli Fontis apud Vindobonam inter Austriam et Franciam constituta est et Bellum Quintae Coalitionis finivit.
Historia recensere
Ad quintam coalitionem anno 1809 Austria et Regnum Unitum convenerant. Napoleo I imperator Francorum celeriter Vindobonam occupavit et 21/22 Maii apud Aspern victus alligatos tamen 6 Iulii/7 Iulii 1809 Proelio apud Wagram pervicit et deinde 12 Iulii apud Znoymam indutiae constitutae sunt. Franciscus I imperator Austriae itaque Clementem Vencelum Nepomucum Lotharium Metternicum, qui concordiam cum Francia restituere coluit, die 8 Octobris novum administrum rerum exterarum fecit. Sic diebus proximis de pace agebatur.
Decreta pacis recensere
Austria, quae civitas bello victa erat, haec confirmat:
- Austria Carniolam, Tergestem, Goriciam, Santicum, litora Croatiae Napoleoni cessit.
- Item Cracoviam et orientem partem Galiciae perdidit, quae regiones pars Ducatus Varsoviae factae sunt. Tarnopolin Russiae tradidere coacta est.
- Praeterea ad Saepta continentalia contra Britanniam accessit.
Paulo post Napoleo etiam Mariam Ludovicam filiam imperatoris Austriae in matrimonium duxit.