Nova Cella (canonia Brixinensis)

Vide etiam paginam discretivam: Nova Cella (discretiva).

Canonia Nova Cella est monasterium Congregationis Canonicorum Regularium Lateranensium Austriacae (CRSA) in municipio Varnensi ac in Bauzani provinciae liberae prope Brixinonem situm.

Monasterium Nova Cella

Ecclesia interna cum altari maiore

Porticus cum picturis muralibus

Historia

Anno 1140 Hartmannus, praepositus Canoniae Claustroneoburgensis primus episcopus Brixinensis factus anno 1142 templum atque coenobium Novae Cellae Reginberto viro nobili adiutrice condidit.

Ecclesia

Prima ecclesia Romano genere insignis anno 1180 incendio absumpta est. In ecclesia reficienda turris quadrata et solida, etiam nunc conspicua, erecta est. Saeculo decimo quinto pilis est camera imposita decussatis fornicibus instructa, totaque moles ad artis Gothicae rationem accommodata est. Denique saeculo decimo octavo interior pars templi modo baroco mutata ornataque est. Abbatialis ecclesia Beatae Mariae Virgini in caelum assumptae dedicata anno 1956 basilicae minoris honoribus affecta est.

Porticus

Est etiam porticus quadrilaterus, qui sacrae continuatur aedi, veteribus picturis exornata.

Nexus interni

• Tridentinum-Alta Athesia/Tirolis Meridionalis (regio),
• Provincia Libera Bauzanensis seu Alta Athesia/Tirolis Meridionalis (provincia ac terra),
• Vallis Hisara (communitas comprehensorialis),
• Brixino.
• Varna.

Bibliographia

• Augustiner Chorherrenstift Neustift (ed.), 850 Jahre Augustinerchorherrenstift Neustift Brixen 1992.
• Max Schrott (ed.), Liber testamentorum Conventus Neocellensis, Bauzani 1967 (Geschichtsquellen des Etschlandes, 1).
• Ivana Passamani Bonomi, La rotonda di San Michele di Novacella: geometria di una chiesa – fortezza, in: Valentino Volta (ed.), Rotonde d'Italia, coordinamento grafico-editoriale Ivana Passamani Bonomi, ed. Jaca Book, Mediolani 2008.

Nexus externi

Vicimedia Communia plura habent quae ad Canoniam Novae Cellae spectant.

• Pagina monasterii domestica