Dominicus Scandella

Dominicus Scandella (1532–1599), etiam Menoculus (Italiane Menocchio) appellatus, fuit pistor Italicus oppidi Montis Regalis Vallis Cellinae, viginti-quinque chiliometra ad septentriones a Portu Naonis (non cum Monte Regali in Aprutio confundendi). Propter suam doctrinam philosophicam, haeresiarcha ab Inquisitione Haereticae Pravitatis declaratus et condemnatus est, tandem ad palum combustus anno 1599, aetate 67, Clementis Papae VIII iussu.

Dominicus Scandella

Res apud Vicidata repertae:

Nativitas: 1532; Mons Regalis Vallis Cellinae
Obitus: 1599; Portus Naonis
Patria: Res publica Veneta

Ei erant uxor et liberi undecim. Anno 1581 fuit praefectus oppidi et vicorum circumiectorum. Ipse est res libri Il formaggio e i vermi ("Caseus et vermes") a Carolo Ginzburg rerum gestarum scriptore Italiano scripti, qui, ut pars historiae socialis, notiones a Menoculo de societate in qua vivebat constructas tractat.

Bibliographia

• Bernard, Yvelise. 1988. L'Orient du XVIe siècle. Lutetiae. ISBN 2-7384-0144-9.
• Ginzburg, Carlo. 1976. Il formaggio e i vermi.
• Obelkevich, James. 1979. Religion and the People, 800–1700.

Nexus externi

• "Putting the Inquisition on Trial," Los Angeles Times, 17 Aprilis 1998