Memoria B. Mariae Virginis a Rosario

Memoria B. Mariae Virginis a Rosario est dies festus Ecclesiae Catholicae die 7 Octobris in honorem BMV a Rosario celebratus.

Visio S. Dominici rosarium a Maria accipientis. Tabula colore oleo a Guido Reni sub 1596-1598 picta

Historia

Hodierna memoria BMV a Rosario a Pio V (papa 1566–1572) sub titulo Festum Sanctae Mariae de Victoria condita est eo modo Deo gratias agens pro victoria classis Christianae in pugna Lepantina 1571. Prima Octobris die dominica celebratum est. Iam 1573 a Gregorio XIII Festum BMV a Rosario nominatum est.

1716 Imperio Ottomanico Eugenio principe Sabaudiensi duce apud Petro-Varadinum (hodie in Serbia / Neoplanta) victo festum in Calendarium Romanum receptum est. Anno 1913 in die 7 Octobris positum est.

Tabula Alberti Dureri

Dureri Festum Rosarii

Albertus Durerus anno 1506 Venetiis tabulam magnam cum titulo Festum rosarii pinxit, quae hodie in pinacotheca gentilicia Pragensi collocata est.

Festum rosarii est primum altare unius tabulae a Durero factum. Sancta Maria, mater Dei, in throno a putis sustento demonstratur. Duo puti coronam super caput eius pendens tenent, alius angelus ad pedes eius fidibus canit.

Maria, Christus infans, Sanctus Dominicus, cui inventio rosarii attribuitur, et alii puti rosaria distribuunt hominibus, quibus imperator papaquae anteunt.

Madonna rosarii, opus Francisci Tavellae 1905, in ecclesia paroeciale in Ritten / Renon, Tirolis Meridionalis

Nexus interni

• Maria (mater Iesu),
• Calendarium Romanae Ecclesiae,
• Sanctuarium Beatae Mariae Virginis Rosarii Pompeianum,
• Praelaturam Territorialem Pompeianam.

Bibliographia

• LThK, Vol. 7, p. 68, vox "Marienfeste", ibi "Fest der allerseligsten Jungfrau Maria vom Rosenkranz" (Theodisce)

Nexus externi

• Festum BMV a Rosario die 7 Octobris
• Alberti Dureri Festum rosarii