Margarita Maria Burgunda

Margarita Maria Burgunda (Francogallice Sainte Marguerite-Marie Alacoque nata Verosvres die 22 Iulii 1647; mortua Paray-le-Monial die 17 Octobris 1690) virgo et mystica, monacha ordinis Visitationis Paray-le-Monial erat. Revelationem Sacratissimi cordis Iesu suscepisse dicitur. Canonizata a Benedicto Papa XV anno 1920 est.

Sancta Margarita Maria Burgunda

Virgo, Visionaria
Nata	22 Iulii, 1647
Mortua	17 Octobris, 1690
Index Sanctorum

Vita recensere

Pater Claudius Alacoque iudex fuit, qui filiam unam et fratres quattuor habuit. Puella annos octo nata patrem amisit. Cum nonnullos annos apud Clarissas Quadrigellis fuisset, gravissime aegrotabat. Insana vota fecit ante Deiparam, ut sanaretur. Postea diutius de via sibi optima dubitavit familia ad nuptias suadente. Mox autem sibi Iesum maritum elegit et die 25 Maii 1670 Paray-le-Monial ordinem Vistationis, quam Ioanna Francisca de Chantal fundaverat, intravit. Ipsa post visionem Iesu Christi stigmata accepit et orationem ad Sanctissimum Cor promovit. Moniales plurimae autem, ante quas secundum ordinis regulas ecstasim tacere non licebat, eam hypochodria insimulabant. Angustiatae ab iesuita Claudio de la Colombière auxilium latum est, qui sinceritatem et pietatem agnoverat. Ipse die 21 Iunii 1675 post octavam in festo Corporis Domini vitam suam Sanctissimo cordi Iesu dedicavit. In oppido Paray tunc veneratio ista specialis multos christifideles captavit. Simul alii venerationem ibi novam acerrime repellebant. Margarita Maria etiam de passione animarum in purgatorio visionibus frui potuit. Ad monialis sepulchrum miracula multa fieri ferebatur. Papa Pius IX anno 1864 eam beatificavit.

Bibliographia recensere

Marguerite-Marie Alacoque: Heilige Margareta Maria Alacoque. Leben und Offenbarungen von ihr selbst geschrieben und ergänzt durch Zeitgenossen. Quinta editio anastatica. Paulusverlag, Friburgi 1994, ISBN 3-7228-0152-4.
Friedrich Wilhelm Bautz, "ALACOQUE, Marguerite-Marie" in Biographisch-Bibliographisches Kirchenlexikon vol. 1 (Hammonae, 1975; reimpr. 1990. ISBN 3-88309-013-1) , columnae 72–73 (Theodisce)
Maximilian Breig (ed.): Leben und Werke der heiligen Margareta Maria Alacoque. Johannes-Verlag, Leutesdorf am Rhein 1991–94.
Josef Schwendimann: Herz-Jesu-Verehrung heute? Habbel, Castris Reginis 1974, ISBN 3-7748-0308-0.
Hildegard Waach: Margareta Maria Alacoque. Botin des Herzens Jesu. Editio tertia. Franz-Sales-Verlag, Eyst ettensis2009, ISBN 978-3-7721-0297-4.

Nexus externi recensere

Vicimedia Communia plura habent quae ad Margaritam Mariam Alacoque spectant.