Manibus date lilia plenis

"Manibus date lilia plenis" sunt verba ex Aeneide Vergilii saepe citata. In fabula Vergiliana Anchises, flumini Lethe adstans, haec dicit quando M. Marcelli futuri manem videt: is enim nepos fuerit Augusti, magnis rebus destinatus sed mortuus iuvenis:

Ioannes Iosephus Taillasson, "Vergilius Aeneidem Augusto et Octavia coram legit" (Pinacotheca Nationalis Londinii)

Ioannes Augustus Dominicus Ingres, "Tu Marcellus eris" (Museum Augustinorum Tolosanum)

"Heu, miserande puer, si qua fata aspera rumpas,

Tu Marcellus eris! Manibus date lilia plenis ... (Vergilius, Aeneis VI, v. 882–883)

Dantes Alagherius canto tricesimo "Purgatorii" eadem verba de Vergilio ipso repetit:

Tutte dicean: "Benedicite qui venis!"

E, fior gittando di spora e d'intorno:

"Manibus o date lilia plenis!" (Dantes Alagherius, Divina Comoedia "Purgatorium" XXX, vv. 21-50)

Ioannes Augustus Dominicus Ingres in tabula cuius titulus est "Tu Marcellus eris" Vergilium evocavit qui eos versus ex Aeneide Augusto ipso recitat. Verba hodie interdum in sepulchris inscribuntur eorum qui iuvenes mortui sint.