Vicipaedia

Lolcat


Lolcat est imago e photographo felis textuque comico facta. Textus saepe ridiculus est et grammatice mendosus, "lolspeak" (Anglice; Latine fortasse loldictio) aut "kitty pidgin" (Latine fortasse pidgin catuli) appellatus.

Lolcat. Latine correcte: Ploro quia non in focu. Latine loldictione fortasse: Ego plorat kuia in ffoku nonst.
I can has cheezburger?
Lolcat Latine. Felis superior dicit: "Ioannem Baptistam" ludamus! et felis inferior loldictione respondit: Nolle!

"Lolcat" est verbum ex acronymo "LOL" et verbo Anglico cat (felis) compositum.[1][2]

Historia

recensere

Tam antiquo quam decennio 188, Harrius Pointer, photographus Britannicus, photogrammata salutationis creavit quae feles in sitibus variis positas monstrabant, quibus textum comicum addidit ut suavitas amplificaretur.[3] Primus autem usus verbi "lolcat" erat in situ interretiali 4chan.[4][5][6] Tam antiquo quam mense Iunii 2006 verbum invenitur, et die 14 Iunii 2006 nomen regionis? "LOLcats.com" in tabulas? relatum est.[7] Popularitas per usum in foris interretialibus ut Something Awful extensa est.[8] Imagines mirum Interretis non fiunt quoad situs interretialis I Can Has Cheezburger? apparuit;[9] die enim 11 Ian. 2007, prima imago hoc in situ publicata est.[10][11]

Forma

recensere

Lolcat est verbum ex acronymo "LOL" et verbo Anglico "cat" (felis) compositum. Quia LOL risum voce significat, lolcat festivum esse habetur et consuetudine quoddam iocum habet.[12] Imago plerumque est felis cum textu magno fonte? sans serif sicut Impact aut Arial Black scripto.[13] Imago interdum, ut plus roboris ei sit, digitale modificatur. Saepe textus est quod felis dicit aut descriptio huius, quod in imagine videtur. Textus de industria est scriptus cum violationibus grammaticae correctae.[13][14] Textus saepe est parodia textús ingrammatici in Interrete inventi. Textus aliquantum est in forma formulae[15], fere ex memo interretiali ut All your base are belong to us vel Do not want.[16] Lingua lolcat dicta quoque est ut lingua infantum.[17]

Themae aliquantum sunt ioci formae "Im in ur nomen, actio-ing ur nomen alium." (In aliquo insum, aliquid aliquo tuo agens.)[18] Multae imagines feles agere actiones humanas vel uti technologiam ut computatra habent.

Sunt nonnullae imagines lolcat famosae et textus verbi uni quae multas variationes et imitationes eductae sunt, ut "Ceiling Cat" (Felis Tecti, quo vide infra). Aliae sunt "Fail" (Deficere, felis cum charta casei in vultu)[19] et "I Can Has Cheezburger" (imago felis caerulei, cui nomen est "Happy Cat" (Felis Felix), bubulae concisae cum caseo rogans).[20]

Consequentes et parodiae

recensere

Sunt aliae variationes lolcat quae imagines animalium cum textu habent, ut loldog ad canes.

Felis Tecti et Felis Hypogei

recensere
 
Lolcat Latine de Fele Hypogei. Textus est: Felis Hypogei est paratus ad insiliendum . . . in anima immortali tua!

"Felis Tecti" est persona memi. Imago prima fuit imago felis ex foramine in tecto intuens cum textu "Ceiling Cat is watching you masturbate" (Felis Tecti te te ipsum fricare spectat).[21] Tum ab imaginibus numerosis cum textu formae "Ceiling Cat is watching you actio" (Felix Tecti te aliquid agere spectat) secuta est. Persona in programma ad Bibliam in loldictione transferendum invenitur quoque. Felis Tecti et "Basement Cat" (Felis Hypogei, felis nigra quae in hypogeo habitat) repraesentunt Bonum et Malum (vel aliquantum Deum et Satanam) in universo lolcat.[22][23][24]

Notae

recensere
  1. ↑ Silverman, Dwight (6 Iun 2007). "Web photo phenomenon centers on felines, poor spelling". Houston Chronicle 
  2. ↑ Rutkoff, Aaron (25 Aug 2007). "With 'LOLcats' Internet Fad, Anyone Can Get In on the Joke". Wall Street Journal 
  3. ↑ "Harry Pointer's Brighton Cats" 
  4. ↑ Langton, Jerry (22 Sep 2007). "Funny how `stupid' site is addictive". The Star 
  5. ↑ Richard, Paulus (14 Nov 2007). "Iz not cats everywhere? Online trend spreads across campus". The Daily Pennsylvanian 
  6. ↑ Smith, Davidus (23 Iul 2008). "The unseen face behind today’s counterculture". Taipei Times 
  7. ↑ "WHOIS domain registration information results for lolcats.com from Network Solutions" 
  8. ↑ Whitwell, Thomas (12 Mai 2007). "Microtrends: LOLcats". The Times 
  9. ↑ Ikenberg, Tamara (9 Iul 2007). Lolcats' demented captions create a new Web language. The News Journal 
  10. ↑ "About « Lolcats ‘n’ Funny Pictures – I Can Has Cheezburger?". icanhascheezburger.com 
  11. ↑ "I CAN HAS CHEEZBURGER?". icanhascheezburger.com. 11 Ian 2007 
  12. ↑ bohus (Aug 2010). "1950's Proto-LOLcats". retrothing.com 
  13. ↑ 13.0 13.1 Dash, Anil (23 Apr 2007). "Anil Dash: Cats Can Has Grammar" 
  14. ↑ Newitz, Annalee (27 Apr 2007). "I'M IN YR X Y-ING YOUR Z – A Grammar of Lolcats". Table of Malcontents, a Wired blog 
  15. ↑ Liberman, Marcus (25 Apr 2007). "Language Log: Kitty Pidgin and asymmetrical tail-wags" 
  16. ↑ "Top ten Star Wars myths and legends: Do not want". VirginMedia.com 
  17. ↑ Svensson, Petrus (24 Apr 2008). "Lolcat site needz ur skillz". The Associated Press 
  18. ↑ Jay Cridlin (1 Iun 2007). "This be funny storyz". Tampa Bay Times 
  19. ↑ "Microtrends: Failure – Times Online" 
  20. ↑ Tozzi, Ioannes (13 Iul 2007). Bloggers Bring in the Big Bucks. Business Week 
  21. ↑ "Ceiling cat is watching you...". icanhazcheezburger.com. 24 Ian 2007 
  22. ↑ Amter, Charlie (16 Dec 2007). "Lolcat Bible Translation Project presents the Gospel according to Fluffy". Los Angeles Times 
  23. ↑ Horan, Brianna. "How one hungry 'kitteh' can has the Internet lol" 
  24. ↑ Guzman, Monica. "Time killer: The "lolcat" Bible" 

Nexus interni

Nexus externus

recensere
  Vicimedia Communia plura habent quae ad Lolcat spectant.
 
stipula

Haec pagina est stipula. Amplifica, si potes!

Receptum de "https://la.wikipedia.org/w/index.php?title=Lolcat&oldid=3162213"