Lichen

Lichen (-enis, m. sive -os, m. Graeco more) est symbiosis duarum (nonnumquam plurium) specierum, scilicet fungorum et algarum cyanophytorumve, ita coniuncte viventium, ut saepe lichen, duplicis naturae, nulli organismorum eum efformantium sit similis.

Lichenes fruticulosi et foliacei in cortice arboris crescentes.

Ad vivendum lichen aëre puro eget. Morphologia lichenem et a fungo et ab alga internoscit. Sic taxonomia botanica lichenes dividit in taxa similia: plantarum et fungorum. Naturali in regione lichenes in arboribus, saxis, humo et ceteris crescunt vivuntque; in urbana in concreto, tegulis, variis generibus metallorum et ceteris.

Botanici lichenibus studentes lichenologi appellantur, quorum primus Ericus Acharius fuit, ob studia sua pater lichenologiae appellatus.

Olim Lichenes tamquam divisio in systemate taxinomico habebantur, et in classes iuxta positionem systematicam fungi dividenbantur, in Ascolichenes nempe, ubi fungus as Ascomycota pertinet, et Basidiolichenes, ubi fungus ad Basidiomycota pertinet. Cum vero lichenes multoties a variis fungis orti sint, hodie potius inter varia taxa Fungorum adscribuntur.

Pinacotheca

• 
  Flavoparmelia caperata, lichen foliaceus in arbore
• 
  Xanthoria parietina, lichen foliaceus in ramo arboris
• 
  Caloplaca marina, lichen crustaceus in saxo
• 
  Humus lichenibus affecta in silva pinorum

Morbus lichen

Est etiam morbus, propter similitudinem lichen nominatus, qui cutem bestiarum et in hominibus imprimis mentum afficit, ideoque Latine nomine primitivo mentagrum dictus.

Nexus interni

• Mucus
• Mycologia

Nexus externi

Vicimedia Communia plura habent quae ad lichenes spectant.