Liber Usualis
Liber Usualis est liber choralis cantuum Gregorianorum, ab anno 1896 usque ad annum 1964 a monachis abbatiae Saint-Pierre de Solesmes in Francia editus, qui permultos cantus celebrationum Ecclesiae Catholicae iuxta ritum Romanum continet, tum e Graduali Romano, tum ex Antiphonali desumptos. In Libro Usuali inveniuntur cantus missae dominicarum et festorum, desunt autem pro maxima parte missae feriarum. Item inveniuntur vesperae dominicarum et festorum, cantus ad laudes adhibendi raro, cantus matutini autem aliquot dierum maximi momenti tantum (ut puta Nativitatis Domini, Tridui sacri, et similium).
Editiones Libri usualis inter se differunt, tum notatione (saepius quadrata cum quatuor lineis, rarius hodierna cum quinque), tum linguis rubricarum (Latina, Francogallica, Anglica vel Batava). Liber Usualis in usu est praesertim a his qui ritum Romanum ‘veterem’, scilicet qui ante Concilium Vaticanum II ubique vigebat, sequuntur; qui autem ritum ‘novum’, scilicet post Concilium introductum, sequuntur, potius Graduali Romano utuntur.
Lege etiam
recensere- Liber usualis missae et officii pro dominicis et festis cum cantu Gregoriano ex editione Vaticana adamussim excerpto a Solesmensibus Monachis. 1896. Desclée: Paris/Tournai: Desclée.
- Liber Usualis with Introduction and Rubrics in English. 1997. Reprint of the Tournai edition of 1953. Great Falls, Montana: St. Bonaventure Publishing.