Acidum lysergicum diaethylammides

Acidum lysergicum diaethylammides sive LSD (abbreviatio verbi Theodisci LysergSäureDiethylamid) medicamentum hallucigenum ac psychotropicum fortissimum ex acido lysergico factum, quod anno 1938 ab Alberto Hofmann in Helvetia primum confectum est.

Autoraeda longa Furthur asseclarum contraculturae Hippie

Descriptio

LSD in fungis secalis cornuti oritur, qui in secali invenitur. Droga somni humores, gravedines somnolentas, cogitationes perversas, mutationes in percipiendis spatio temporeve provocat. Custodia suimetipsius minor fit et timores augentur. Inter effectus corporales nominantur vertigo, somnulentia, pupillorum dilatatio, surditas, artus formicantes vermicantesque, debilitas, tremor, nauseola.

Defectus cogitandi, qui e.g. omnipotentiam aut paranoiam activam comprehendunt, in hominibus actiones periculosas efficere possunt. Si drogam istam longius comsumpseris, morbis animae et depressionibus et segnitia et neglectione laborabis. Nonnulli dicunt haec omnia non directo e drogae consumptione deduci posse. Quoad physiologiam LSD chromosomibus nocet in haemocytis albis. Num infantes parentum, qui drogae addicti sunt, morbis variis facilius tangantur, incertum est.

Tamen constat acidum lysergicum diaethylammides dependentiam corporalem rectam non gignere. Quodam modo autem consumptio regularis appetitum identidem porro sumendi propellit, ut patet. Annis 1960, multi drogam istam sumebant ut universa melius cognoscerent et consuetudines novas contraherent. Medici experimenta faciebant ut autismum et alcoholismum droga LSD sanarent. In multis terris occidentalibus droga ista interdicta est.

Nexus externi

Vicimedia Communia plura habent quae ad LSD spectant.

• Observatores drogarum Europaei
• InfoFacts: Hallucinogens – LSD, Peyote, Psilocybin, and PCP.
• De operatione drogae in cerebris
• De drogae usu bono