Iugum Lichense

Iugum Lichense^[1] (Georgiane ლიხის ქედი) vel Suramense^[2] est pars montium Caucasi, iugum, quod Caucasum Maiorem et Caucasum Minorem coniungit per terras Georgiae et Ossetiae Meridionalis. A monte Tadikusan prope ad iugum Principale sito per confinium Georgiae et Ossetiae Meridionalis ad austroccidentem tenditur, Georgiam transgreditur et cum iugo Meschetico Caucasi Minoris coniungitur; divortium aquarum fluminum Phasidis et Cyri est et Transcaucasiam dimidiat, in Transcaucasiam Orientalem et Occidentalem dividens. In Georgia regiones historicae Imerethia et Carthlia iugo Lichensi divisae sunt.

Cacumen iugi Lichensis altissimum Lochoni mons est, 1926 m altus. Transitus Suramensis trans iugum ducit, prope ad eum cuniculus Suramensis ferriviarius anno 1890 constructus est.

Notae

↑ Norae Zabinkovae et Moysis Kirpicznikov Nomina physico-geographica principalia URSS s.v. Лихский хребет..
↑ Confer binomina Calliandra suramensis, Carabus puschkini suramensis, Bathysciola suramensis, Quedius suramensis.

Nexus externi

Situs geographici et historici: Locus: 42°12′56″N 43°36′4″E • GeoNames

Iugum Lichense in Encyclopaedia Sovietica magna (Russice)
Iugum Lichense in Lexico encyclopaedico Brockhaus et Efron (Russice) \

[1] Norae Zabinkovae et Moysis Kirpicznikov Nomina physico-geographica principalia URSS s.v. Лихский хребет..

[2] Confer binomina Calliandra suramensis, Carabus puschkini suramensis, Bathysciola suramensis, Quedius suramensis.

[1]

[2]