Iosephus Cotten

Iosephus Cotten (1905–1994) fuit histrio Americanus, qui apicem curriculi sui annis 1940 consecutus est partibus primariis in pelliculis Citizen Kane (1941), The Magnificent Ambersons (1942), Shadow of a Doubt (1843), Duel in the Sun (1946), The Third Man (1949).

Iosephus Cotten

Res apud Vicidata repertae:

Iosephus Cotten: imago

Nativitas: 15 Maii 1905; Petersburg
Obitus: 6 Februarii 1994; Angelopolis
Patria: Civitates Foederatae Americae
Nomen nativum: Joseph Cheshire Cotten

Familia

Genitores: Joseph Cheshire Cotten, Sr.; Sally Whitworth Willson
Coniunx: Patricia Medina
Proles: Judith Lenore LaMonte

Memoria

Sepultura: Virginia

De pueritia

Iosephus Cheshire Cotten die 15 Maii anno 1905 Petropoli in urbe Virginiae natus est ex patre Iosepho Cheshire Cotten maiore (1877-1955), tabellariorum praefecto adiutore, et matre Sally Willson Cotten (1878-1969).  In regione Tidewater adolevit.

Cotten anno 1923, cum duodeviginti annos esset, a parentibus sonsus scholam Hickman dramatis Vasingtoniae iniit. Post graduationem excubitor ad Wilcox lacum satis pecuniae sibi fecit, ut pecuniam a parentibus commodatam cum faenore reddere posset. Miamiam anno 1925 se contulit et munere venditoris praeconii in ephemeride Miami Herald functus est. In Miami Civic Theatre annos quinque prodiit.

De curriculo

Cotten vitae curriculum in theatro Broadway in nonullis fabulis incohavit. Deinde in opera cinematographica transiit. Maxime innotuit pelliculis cum Orson Welles factis quas iam in initio memoravimus. Praeterea annis 1940 in aliis quoque classicis cinematicis prodiit, sicut Gaslight (1944) cum Ingrida Bergman et Carolo Boyer, ac in duabus prodiit pelliculis Hitchcockianis, scilicet Shadow of a Doubt (1943) et Under Capricorn (1949). Annis 1950 cum aliis tum cum Marilyna Monroe in Niagara (1953) prodiit.

Prosperrima pars curriculi Iosephi Cotten in annos 1940 incidit. Attamen decenniis insequentibus in televisione et pelliculis cinematographicis personas agere continuavit, sicut in Niagara (1953), fabula formidulosa in qua partes mariti Marilynae Monroe egit; et in Hush...Hush, Sweet Charlotte (1964), fabula psychologica in qua cum Bette Davis prodiit. Etiam histrio theatralis in theatro Broadway prodiit. Posterioribus annis plerumque partes secundarias agebat, sicut in pellicula dystopica Soylent Green (1973). Interdum etiam partes televisificas egit.

Iosephus Cotten stellam in Hollywood Walk of Fame habet.

De vita privata

Iosephus Cotten amicitia cum Orson Welles coniunctus erat. Munere adiutoris sponsi functus est, cum Orson et Rita Hayworth anno 1943 nuptias suas celebrabant. Cotten bis uxorem in matrimonium duxit, primum, anno 1931, Eleonoram Kipp (natam LeMont). Kipp anno 1960 mortua est. Deinde eodem anno protinus duxit uxorem Patriciam Medinam. Quod matrimonium usque ad mortem Iosephi Cotten perstitit. Quod scimus, nullam prolem habuit.

Cotten senex in percontatione suam de cinematographia opinionem patefecit:

"Non mentior si me pelliculis initio nequaquam oblectatum esse dico. Sed corpore magno eram, cirros habebam, loqui sciebam. Facile erat factu."

Cotten die 6 Februaris anno 1994 Angelopoli in urbe Californiae pneumonia mortuus est. Etiam cancro gutturis laborabat.

Bibliographia

• Bjornstad, William (1994) Joseph Cotten. Find a Grave.
• Cotten, Joseph (1987) Vanity Will Get You Somewhere. Mercury House.