Ioannes Wilhelmi

Ioannes (Theod.: Hans) Wilhelmi (natus 27 Augusti 1899 Moguntiaci, mortuus 5 Iunii 1970 Francofurti ad Moenum) vir publicus Germaniae et sodalis Christianae Democraticae Unionis Germaniae erat.

Familia, Iuventus Munusque

Proavus avusque sacerdotes fuerunt, pater eius legatus militum erat et initio Belli Orbis Terrarum I cecidit. Cum pater multos in locos missus est, filius multas scholas attendit. Anno 1916 voluntarius miles conscriptus est et in legione patris legatus promotus et postea graviter sauciatus est. Post bellum finitum Goettingae et Bonnae iurisprudentiae atque oeconomiae studebat et anno 1923 doctor promotus est. Ab anno 1924 Francofurti ad Moenum causidicus laboravit. Cum aliis anno 1933 Ecclesiam Confitentem condidit, quod regnum Nazistarum negavit. Bello Orbis Terrarum II iterum miles conscriptus est et anno 1945 e captivitate belli Francofurtum revertit.

Cursus honorum

Cum aliis 1945 factionem CDU condidit atque ad annum 1957 decurio Francofurti urbis fuit. Anno 1957 primo legatus Dietae Foederalis Germaniae electus est. 6 Maii 1960 successor Hermanni Lindrath mortui Administer Foederalis Possessionum Foederalium in consilio ministrorum Adenauer nominatus est. Sed post electionem Dietae Foederalis anni 1961 FDP factio hunc honorem poposcit. Wilhelmi ad annum 1969 legatus Dietae Foederalis mansit.

Nexus externi

Titulus hebdomadalis DER SPIEGEL anno 1961 (lingua Theodisca)

Administri Foederales Possessionum Foederalium


Hermannus Lindrath (CDU) \| Ioannes Wilhelmi (CDU) \| Ioannes Lenz (FDP) \| Wernerus Dollinger (CSU) \| Curtius Schmücker (CDU)

Consilium ministrorum Adenauer III (29 Octobris 1957 - 14 Novembris 1961)


Conradus Adenauer (CDU) \| Ludovicus Erhard (CDU) \| Henricus de Brentano (CDU) \| Gerhardus Schröder (CDU) \| Fridericus Schäffer (CSU) \| Franciscus Etzel (CDU) \| Henricus Luebke (CDU) \| Wernerus Schwarz (CDU) \| Theodorus Blank (CDU) \| Franciscus Iosephus Strauß (CSU) \| Ioannes-Christopherus Seebohm (DP, postea CDU) \| Ricardus Stücklen (CSU) \| Paulus Lücke (CDU) \| Theodorus Oberländer (CDU) \| Ioannes-Ioachimus de Merkatz (DP, postea CDU) \| Ernestus Lemmer (CDU) \| Franciscus-Iosephus Wuermeling (CDU) \| Siegfriedus Balke (CSU) \| Hermannus Lindrath (CDU) \| Ioannes Wilhelmi (CDU) \|