Ioannes Stephanus Daly

Ioannes Stephanus Daly (natus in Anglia anno 1963) est philologus, interpres, et scriptor Anglicus. Se Catholicum orthodoxum habens, sedevacantismo iamdudum favet.

Pius XII pontifex maximus; quo mortuo, sedes secundum Daly et alios vacat.

Harrow Weald Londinii Maiore apud fratres Societatis Divini Salvatoris et postea in ludis Sancti Dominici in oppido Harrow on the Hill sitis educatus est. In Collegio Corporis Christi Universitatis Cantabrigiensis Latinae et Graecae linguis, historiae veteri, et philosophiae classicae studuit. Tunc stipendia et expositiones laborem eius coronaverunt.

Aetate quindecim annorum ei persuasum est reformationes post Concilium Vaticanum Secundum patratas Ecclesiae valde nocuisse. Anno 1983, viis diversis ingressus, praeter ritus novos vel summi pontificis successioni indubitavit, Pio XII mortuo. Itaque Daly bullam Pauli IV in Anglicum idioma convertit, cui titulus Cum ex apostolatus officio (1559). Quam edidit et commentariis ornavit. Insuper editionem criticam Prophetiae Sancti Malachiae meritissime in lucem protulit.

Istis diebus Daly almam matrem deseruit, ut operas exploratoriam, interpretatoriam, scriptoriam in editionibus conservativis Britons Catholic Library daret. Quo tempore Thomas Aquinas, Robertus Bellarminus, Prosperus Guéranger, necnon litterae encyclicae papales animum Stephani Daly divitiis suis implebant. Latina callens Daly facile et libenter semper ad fontes ipsos petivit; tunc Ioannis sitim tam spiritalem quam scientificam sedabant Philippus Shelmerdine († 1987), Alfredus Gilbey († 1998), iesuita Emmet C. Buckley († 2002) et Osvaldus Baker († 2004).

Daly neque ius canonicum neque theologiam moralem in studiis abhorruit. Anno 1994 in matrimonum duxit Francogallicam nomine Aslynae: postquam in Hibernia habitaverunt, in Franciam ierunt. Cum decem natis in praefectura Oldi et Garumnae vitam degunt.

Ioannes Daly interpretationes creat in rebus oeconomicis, theologicis, litteris elegantioribus. Anno 2012 invitatus est ut Mauritii Alais opus magnum praetitulatum Economie et intérêt in Anglicum sermonem traduceret. Anno 2007 domum editoriam Tradibooks condidit, quae classica catholica servans fidelibus lecturis tradit. Inter et extra interrete Daly multas commentationes theologicas philologicasve confecit. Anno 1988, in Feriis Latinis Nicensibus orationem festivam Latinam de Iosepho cardinali Mezzofanti, polyglotta inclutissimo, fecit. Anno 2002 Veronae in comitatu Oneida certamen verborum The Impossible Crisis dirigebat. Eius poemata legi possunt in periodicis The Tablet et Dowry. Etiam alii res eius convertebant, in linguas Francogallicam, Hispanicam, Lusitanam. et Sericam.

Opera

Monographiae

• Michael Davies – an Evaluation (1989; editio altera anno 2015; de Michaele Davies theologo)
• The Theological Status of Heliocentrism (1997)
• The Life of Fr. Philip Shelmerdine (2008)

Conversiones selectae

• How Grace Acts (de Alphonso a Ligorio)
• Jovinian 1982 (de Gustavo Daniele Corbi)
• The Christian of the Day and the Christian of the Gospel (de fratre Emmanuele André oriundo ex Mesnil-Saint-Loup)
• Economy and Interest (de Mauricio Allais)
• The Fewness of the Saved (de fratre Francisco X. Godts)
• The Secret of Firefern (de Ludovico Morvan)
• Literal Interpretation of the Apocalypse (de Raphaele Eyzaguirre)

Nexus externi

• pagina domestica