Insula Aureliana

Insula Aureliana sive Insula Aurelia^[1] (Francice Île d'Orléans) fuit maior urbis Novae Aureliae regio, in Ludoviciana hodierna in Civitatibus Foederatis sita.

Anno 1762, bello Franco-Indiano composituro, Francia, Britanniarum Regnum Ludovicianam occupare anticipans, omnem Ludovicianam ad occidentem Fluminis Mississippiensis versus per Foedus Fontis Bleaudi Regno Hispanico abalienavit, cum regione ad orientem fluminis Mississippiensis versus nuper definita, quae Novam Aureliam comprehendit, Insulam Aureliam appellatam.

Ut franci anticipaverant, Britanni per Foedus Lutetiense (1763) omnem Ludovicianam ad orientem Mississippiensis versus praeter Insulam Aureliam occupaverunt, quam in dicionem Floridae Occidentalis redegerunt, eorum coloniae ad occidentem Floridae Hispanicae iacentis, capite Pensacolae sito. Hispanica Ludovicianae dicio ad occidentem Mississippiensis spectans, cum Insula Aurelia, per Foedus Lutetiense etiam confirmatum est.^[2]

Omnis Insula Aurelia in Emptione Ludoviciana anno 1803 comprehensa est. Meridianum Rei publicae Floridae Occidentalis finem paucis annis post constituit

Notae

↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
↑ Pugliese 2002.

Arthur, Stanley Clisby. The Story of the West Florida Revolution. Claitor's Publishing.
Hyde, Samuel C. 2010. Consolidating the Revolution: Factionalism and Finesse in the West Florida Revolt, 1810. Louisiana History, aestas.
Pugliese, Elizabeth. 2002. Fontainebleau, Treaty of. In The Louisiana Purchase: a Historical and Geographical Encyclopedia, ed. Junius P. Rodriguez, 112–113. Sanctae Barbarae Californiae: ABC-CLIO. ISBN 1-57607-188-X. Google Books.
Willie, Leroy E. 2007. The West Florida Revolution Controversy: 1810. A se publicatus; a capitulo Ludoviciano Filiorum Rerum Novarum Americanarum venitum.