Ibraimus (sultanus Johor)
Ibraimus Iskandar filius, vulgo Ibrahim ibni Almarhum Sultan Iskandar, litteris Arabicis إبراهيم ابن المرحوم سلطان إسکندر (Johor Bahru in urbe natus die 22 Novembris 1958), nobilis Malaesiae, sultanus est civitatis Johor. Die 31 Ianuarii 2024 princeps Malaesiae omnis rite creatus est, antecessore Abdullah Ri'ayatuddin sultano civitatis Pahang.
Ibraimus (sultanus Johor)
Patria: Malaesia
Familia
Coniunx: Queen Zarith Sofiah of Johor
Proles: Ismail Idris, Crown Prince of Johor, Prince Abdul Jalil of Johor, Prince Abdul Rahman of Johor, Princess Aminah of Johor
Avo Ismail et patre Iskandar sultanis Johor, patre etiam inter annos 1984 et 1989 omnis Malaesiae principe, matre Iosephina Trevorrow Anglica, Ibraimus partim Sydnei in Australia, breve temporis spatium in exercitibus Malaesiano Americanoque educatus est. Ab anno 1981, patre in sultanatum elevato, princeps futurus Johor in urbe degebat et nonnumquam propter rixas insultationesque inculpabatur.
Bibliographia
recensere- "10 things to know about the Sultan of Johor" in Straits Times (20 Martii 2015)
|
Abdul Rahman 1957 • Hisamuddin Alam Shah 1960 • Syed Putra 1960 • Ismail Nasiruddin Shah 1965 • Abdul Halim 1970 • Yahya Petra 1975 • Ahmad Shah 1979 • Iskandar 1984 • Azlan Muhibbuddin Shah 1989 • Ja'afar 1994 • Salahuddin Abdul Aziz Shah 1999 • Syed Sirajuddin 2001 • Mizan Zainal Abidin 2006 • Abdul Halim 2011 • Mahometus Faris Petra 2016 • Abdullah Ri'ayatuddin 2019 • Ibraimus Iskandar filius 2024 | |
