Huracanum Sandy
Huracanum Sandy fuit huracanum temporis tardioris, qui partes Maris Caribici et Civitates Foederatas Medias-Atlanticas et Boreorientales calamitose attigit. Sandy diametro est maximum huracanum Atlanticum notum, cuius venti circa 1100 milia passuum ab extremo ad extremum extendebat.[1][2] Sandy, circulus tropicus tempestasque nominata duodevicensima et decimum temporis huracanorum Atlanticorum 2012 huracanum, se ex elongata unda tropica in Mari Caribico occidentali die 21 Octobris evolvit. Tempestas, ex depressione tropica orta, celeriter confirmata est, et post sex horas circulus tropicus rite appellata est; qui lente ad septentriones ad Antillas Maiores movit, gradatim se confirmans.
Die 24 Octobris, Sandy huracanum factum est, haud multo ante Iamaicam attingeret. Ad septentriones movens, id aquam apertam intravit, terramque iterum in Cuba tempore matutino diei 25 Octobris ut huracanum categoriae 2 attigit. Vespere diei Octobris 25, tempestas se ad vires categoriae 1 debilitavit, cum ante lucem die 26 Octobris ad septentriones per Bahamenses moveret.[3] Sandy breviter horis matutinis ante lucem 27 Octobris ad tempestatem tropicam, tum iterum eodem die ad huracanum categoriae 1 factum est. Paulo ante 8 a.m. EDT (UTC−4) die 29 Octobris, Sandy se ad boreoccidentem advertit et ad litus Civitatum Foederatarum accedere coepit, iam vires Categoriae 1 sustinens. National Hurricane Center nuntiavit tempestatem circa quinque milia ad locum ad meridio-orientem versus Urbis Atlanticae Novae Caesareae circa 8 p.m. EDT pervenisse.[4] Hora 7 p.m. diei 29 Octobris 2012, Sandy circulus posttropicus declaratum est.[5]
Sandy in Civitatibus Foederatis saltem viginti-duas civitates adfecit, a Florida ad Novam Angliam extendens, ventis virium tempestatis tropicae procul in continentem attingentibus, nivibusque montanis in Virginia Occidentali ningentibus. Circulus fluctum tempestatis ad Urbem Novum Eboracum vespere 29 Octobris tulit, permultis viis et cuniculis in Manhata Inferiore et in aliis urbis regionibus inundatis.[6]
Effectus recensere
| Civitas | Mortui | Amissi | Detrimentum (dollaribus CFA) | Fontes |
|---|---|---|---|---|
| Civitates Foederatae | 113 | 1 | $50 billiones (aestimatio) | [7][8][9] |
| Haitia | 54 | 21 | Ignotum | [10] |
| Cuba | 11 | 0 | $80 milliones | [8][11] |
| Bahamenses | 2 | 0 | Ignotum | [8] |
| Canada | 2 | 0 | Ignotum | [12] |
| Respublica Dominicana | 2 | 0 | Ignotum | [8] |
| Iamaica | 1 | 0 | $16.5 milliones | [8] |
| Summa | 185 | 22 | $20 billiones (aestimatio) |
Saltem 185 homines in Insulis Bahamensibus, Mari Caribico, Canada, et Civitatibus Foederatis per tempestatem interfecti sunt.[10][7][8][12]
Notae recensere
- ↑ "Sandy Brings Hurricane-Force Gusts After New Jersey Landfall". Washington Post.
- ↑ "Sandy Becomes Largest Atlantic Storm on Path to Northeast". San Francisco Chronicle.
- ↑ "Hurricane Sandy storms through Bahamas, Central Florida on alert". Central Florida News 13.
- ↑ "NOAA NHC Update". National Hurricane Center. 29 Octobris 2012.
- ↑ "Post-Tropical Cyclone SANDY Update Statement". National Hurricane Center.
- ↑ Superstorm Sandy causes at least 9 U.S. deaths as it slams East Coast CNN.
- ↑ 7.0 7.1 "Sandy leaves many digging out, others drying out". RNN Staff. 30 Octobris 2012.
- ↑ 8.0 8.1 8.2 8.3 8.4 8.5 "A look at Caribbean deaths and damage from Hurricane Sandy". The Washington Post. Associated Press. 30 Octobris 2012.
- ↑ "DISARRAY, MILLIONS WITHOUT POWER IN SANDY'S WAKE". AP. 30 Octobris 2012.
- ↑ 10.0 10.1 Jonathan Watts (30 Octobris 2012). "Hurricane Sandy: Haiti in emergency aid plea as disaster piles upon disaster". The Guardian.
- ↑ "'Sandy' deja daños por 2 mil 121 millones de pesos en Cuba". Notimex. El Universal. 30 Octobris 2012.
- ↑ 12.0 12.1 "Flying debris kills woman amid Toronto storm".