Hunc cecinere diem Parcae

Hunc cecinere diem Parcae fatalia nentes stamina incipit elegia septima libri primi carminum sub nomine Tibulli nobis traditorum. Hoc carmen initium capit a triumpho quem celebravit Marcus Valerius Messalla Corvinus de Aquitanis die 25 Septembris 27 a.C.n.; Tibullus enim comes fuit Messallae in expeditione sua Gallica:

"Tibullus apud Deliam" a Laurentio Alma-Tadema anno 1866 fictus

Hunc fore, Aquitanas posset qui fundere gentes,

Quem tremeret forti milite victus Atax.

Evenere: novos pubes Romana triumphos

Vidit et evinctos bracchia capta duces;

At te victrices lauros, Messalla, gerentem

Portabat nitidis currus eburnus equis.

Non sine me est tibi partus honos: Tarbella Pyrene

Testis et Oceani litora Santonici,

Testis Arar Rhodanusque celer magnusque Garunna,

Carnutis et flavi caerula lympha Liger. (Tibullus, Elegiae 1.7.3-12)

Iohannes Henricus Voss elegiam Theodisce vertit annoque 1810, commentario erudito subiuncto, edere curavit.

Bibliographia

• Johann Heinrich Voss, interpr., Albius Tibullus und Lygdamus (Tubingae: Cotta, 1810) pp. 90-101 (Theodisce) Textus apud archive.org

Nexus externi

• Textus apud The Latin Library (Latine)

De hac re nexus intervici usque adhuc absunt. Adde, si reppereris.