Harrietta Beecher Stowe

Wikidata-logo.svg Harrietta Beecher Stowe
Res apud Vicidata repertae:
Harrietta Beecher Stowe: imago
Harrietta Beecher Stowe: subscriptio
Nativitas: 14 Iunii 1811; Litchfield
Obitus: 1 Iulii 1896; Hartfordia
Patria: Civitates Foederatae Americae
Nomen nativum: Elizabeth Harriet Beecher

Officium

Munus: mythistoricus, poëta, scriptor librorum puerilium, short story writer, scriptor

Consociatio

Religio: Protestantes

Familia

Genitores: Lyman Beecher; Roxana Foote Beecher
Coniunx: Calvin Ellis Stowe
Familia: Beecher family

Memoria

Laurae: National Women's Hall of Fame, Connecticut Women's Hall of Fame, Ohio Women's Hall of Fame, Distinguished Americans series

Harrietta Beecher Stowe (nata Harriet Elizabeth Beecher in Litchfield Connecticutae die 14 Iunii 1811; mortua Hartfordiae Connecticutae die 1 Iulii 1896) fuit scriptrix Americana et ob mythistoriam Uncle Tom's Cabin pugnax servitutis adversaria.

VitaRecensere

Filia natu minima clerici et abstinentiae alcoholicae propugnatoris Lyman Beecher magistra Bostoniae facta est. Anno 1832 Cincinnati commigravit ubi Calvino Eliae Stowe theologo nupsit. Iste vir enim anno 1850 in Seminarium theologicum Andover (Massachusettae) arcessitus est. Harrietta anno 1846 volumen fabularum ediderat antequam res in itineribus meridianis visas in mythistoria illustrissima atque affectiva »Uncle Tom's cabin« descripsit. Quae historia primum in periodico quodam et anno 1852 in libro vulgata est. In permultas linguas conversa et dramati aptata est. Iosiah Hanson, vir authenticus in mythistoria partes primas agens, anno 1858 autobiographiam pepigerat quae simul libri praefatio erat.

Harrietta, cum anno 1853 lustrationem in Europa fecit, honoribus multis salutata est et librum »Sunny memories of foreign lands« (Bostoniae 1854) scripsit. Inter multa posteriora opera mentionis digna sint haec: »Dred: a tale of the great Dismal Swamp« (1856; titulus mutatus est in »Nina Gordon«), »The minister's wooing« (1859) et »Old town folks« (editio septima, 1871). Cum in opere »The true story of Lady Byron's life« contra Georgium Byron propter incestum invecta esset, gloria paulo minuta est; libellus »Lady Byron vindicated« malefacta redemptitare vix potuit.

Carmina eius plerumque religiosa sunt; litteras diariaque eius filius Carolus Eduardus Stowe edidit; opera omnia primum Bostoniae anno 1897 tomis in sedecim edita sunt.

Nexus externiRecensere

  Vicimedia Communia plura habent quae ad Harriettam Beecher-Stowe spectant.