Globulus

Globulus sive globus (sed Graece ἐγκρίς) in opere culinario Graeco-Romano fuit pemma vel libum rotundum ab alica et caseo confectum et ex oleo profundo frictum.^[1] Cato maior in libro suo De agri cultura sic mandat:

Vide etiam paginam discretivam: Globus (discretiva).

Globulos sic facito
Globos sic facito: caseum cum alica ad eundem modum^[2] misceto; inde, quantos voles facere, facito. In aenum caldum unguen indito. Singulos aut binos coquito versatoque crebro duabus rudibus: coctos eximito, eos melle unguito, papauer infriato: ita ponito.
– Cato, De agri cultura 79

In prima ipsa pagina quae hodie servatur e libro Satyricon Petronii, rhetor Agamemnon eloquentiam declamatorum eius temporis ad hunc cibum adsimilat, "mellitos verborum globulos" vituperans "et omnia dicta factaque quasi papavere et sesamo sparsa".^[3]

Fontes

Stesichorus fragmentum 179 Davies
Cato, De agri cultura 79
Varro, De lingua Latina 5.107
Petronius, Satyrica 1.3
Athenaeus, Deipnosophistae 645e

Notae

↑ E. F. Leon, 'Cato's cakes' in Classical journal vol. 38 (1943) pp. 213-221; Andrew Dalby, Food in the Ancient World from A to Z (Londinii, 2003. ISBN 0415232597) p. 70.
↑ Id est, ad eundem modum ac scriblitas.
↑ Andrew Dalby, "The Satyrica concluded" in Gastronomica vol. 5 no. 4 (2005) pp. 65-72.

Nexus interni

[1] E. F. Leon, 'Cato's cakes' in Classical journal vol. 38 (1943) pp. 213-221; Andrew Dalby, Food in the Ancient World from A to Z (Londinii, 2003. ISBN 0415232597) p. 70.

[2] Id est, ad eundem modum ac scriblitas.

[3] Andrew Dalby, "The Satyrica concluded" in Gastronomica vol. 5 no. 4 (2005) pp. 65-72.

[1]

[2]

[3]