Glis

Glis est genus rodentium familiae Gliridarum, cuius nunc exstat una sola species, Glis glis. Per magnam partem Europae occidentalis habitat. Glis est animal muri simile, maius tamen, in arboribus degens, et totam fere hiemem hibernatione fruens somno simili; quo tempore cum aut nullo, aut exiguo certe cibo utetur, pinguescit tamen ut cum maxime.

---

Animalia — Chordata

Classis : Mammalia 
Ordo : Rodentia 
Familia : Gliridae 
Subfamilia : Glirinae 
Genus : Glis 
Brisson, 1762
Species : G. glis 

Glis glis 
(Linnaeus, 1766)  

Palaeontologia

2.58–0 m.a.: Pleistocaenum > Recens

pЄ

Є

O

S

D

C

P

T

I

K

pg

n

↓

Conservationis status

LC

Vigens (IUCN 3.1)

Synonyma

*Sciurus glis Linnaeus, 1766

• Myoxus glis (Linnaeus, 1766)

Territorium

Habitationes Gliris gliris

Glis fuit olim in deliciis cenarum, adeo ut vivaria glirium habere mos fuerit, quae gliraria dicta; et saginandi causa in doliis, singulari ad id ratione factis, includerent. Itaque legibus sumptuariis constitutis, glires quoque, ut glandia, conchylia et peregrinae aves, interdicti.

Eorum condiendorum rationem docet Apicius:

Glires: isicio porcino, item pulpis ex omni membro glirium trito, cum pipere, nucleis, laser, liquamine farcies glires, et sutos in tegula positos mittes in furnum aut farsos in clibano coques.

Nexus externi

Vide "Glirem glirem" apud Vicispecies.

Vicimedia Communia plura habent quae ad Glirem glirem spectant.

Haec pagina verba incorporat ex Aegidii Forcellini Lexico Totius Latinitatis, 1775. Versio interretialis