Gernotus Krapinger

Gernotus Krapinger (natus Frisaci in Carinthia anno post Christum natum 1962) est philologus Austriacus et iuris consultus et translator operum philosophiae antiquae.

Vita

Absolutorio scholastico in gymnasio Tamsweg recepto Krapinger in Universitate Litterarum Carola Francisca simul iurisprudentiae (1980-1985) et philologiae classicae (1981-1985) studuit. Diploma et examen publicum in lingua Graeca antiqua ac lingua Latina anno 1987 adeptus ibidem adiuvans in philologia classica erat (1987-2010). Anno 1989 promotio in iurisprudentia secuta est, anno 1996 in philologia classica apud Franciscum Ferdinandum Schwarz. Nunc (anno 2024) est collaborans doctus et magister linguae Graecae ac Latinae in instituto antiquitatis Universitatis Graecensis. Krapingeri discipuli eum philologum optimum maximum putare dicuntur.

Studia

Studia Krapingeri sunt ars rhetorica et Graeca et Latina, praesertim historia declamationis antiquae et acceptio artis rhetoricae antiquae in medio aevo ac aevo moderno. Praecipue translationes varias operum philosophiae antiquae magis minusve copiose explicatas Platonis (Res Publica, Cratylus, Menon) ac Aristotelis (Ars Rhetorica, De anima, Ethica Nicomachea), item Marci Aurelii praebuit. Krapinger in dissertatione, editione philologi prima translata explicataque, se contulit ad Dionem Chrysostomon. Praeterea Hystoriam Constantinopolitanam Guntheri de Pairis et Regulam Benedicti transtulit.

Opera selecta

Platon, Menon. Graece/Theodisce. Translatus et publicatus. Reclam, Ditzingen anno 2021.
Konstantinopel 1204. Die Hystoria Constantinopolitana des Gunther von Pairis und andere Berichte vom Vierten Kreuzzug. Latine/Theodisce. Translata et explicata. Hiersemann, Stuttgart anno 2020.
Le declamazioni minori attribuite a Quintiliano I (244–292). Testo, traduzione e commento a cura di L. Pasetti, A. Casamento, G. Dimatteo, G. Krapinger, B. Santorelli, C. Valenzano. Bologna 2019.
Mark Aurel, Selbstbetrachtungen (Translatio, epilogus, commentarii). Reclam, Stuttgart anno 2019.
Die Benediktsregel. Translata a Gernoto Krapingero. Publicata a Udalrico Fausto. Stuttgart anno 2018.
Platon, Der Staat (Translatio, epilogus, commentarii). Reclam, Stuttgart anno 2017.
Aristoteles, Nikomachische Ethik (Translatio, epilogus, commentarii). Reclam, Stuttgart anno 2017; eadem, Graece/Theodisce, translata et publicata. Reclam, Stuttgart anno 2020.
Pseudo-Quintilianus, Der Blinde auf der Türschwelle (Größere Deklamationen, 2). Praefatio, scriptio, commentarii, appendix: [Libanius], Declamationes 49 (scriptio, translatio, annotationes), Cassino anno 2015.
Platon, Kratylos. Graece/Theodisce. Publicatus et translatus. Reclam, Ditzingen anno 2014.
Aristoteles. Über die Seele. Graece/Theodisce. Publicata et translata. Reclam, Ditzingen anno 2011.
Pseudo-Quintilianus. Gladiator. Praefatio, scriptio, translatio, commentarii. Cassino anno 2007.
Pseudo-Quintilianus. Apes pauperis. Praefatio, scriptio, translatio, commentarii. Cassino anno 2005.
Aristoteles, Rhetorik (Translatio, epilogus, annotationes), Stuttgart anno 1999; eadem, Graece/Theodisce. Publicata et translata. Reclam, Ditzingen anno 2018.
Dion Chrysostomos. Oratio 6. Praefatio, scriptio, translatio, commentarii. Graz anno 1996.

Nexus externi

Gernot Krapinger in pagina Universitatis Graecensis
Curriculum vitae et catalogus operum
Index operum