Formula:PaginaMensis/Octobris 2007

Dea Berolina stat in foro Alexandri (Alexanderplatz)

Berolinum, (-i, n.; Theodisce Berlin) est urbs maxima Germaniae, caput Rei publicae foederalis Germaniae, caput etiam Archidioecesis Berolinensis. Incolas (Berolinenses appellatos) habet circa 3 500 000. Berolinum est et urbs et terra foederalis (Land) in duodecim regiones (Bezirke) divisa. Urbs circa annum 1230 condita est.

Haec urbs opulentissima habet universitates quattuor, odeia tria, orchestra symphonica duo, ecclesias, theatra, scholas, gymnasia, balnea innumera. Commercium fit per vias stratas et quidem maximas, per ferroviarium, per metropolitanam, per carros omnibus vehi volentibus accommodatos et vi aut electrica aut petrolei impulsos.

Incolae originis teutonicae fidem aut nullam aut Christianam sectae Lutheraneae maxima ex parte confitentur, Polonicae, quorum non pauci sunt, catholicam, Hebraicae Iudaicam, Turcicae atque Arabicae, quorum forsitan vel plures, Musulmanicam.