Formula:PaginaMensis/Maii 2022

Magna statua ceramica bellatoris aquilini Azteci.

Azteci, seu Mexicani fuerunt certae medii Mexici nationes ethnicae, praecipue quae lingua Navatlaca uti soliti sunt, magnasque Mesoamericae partes a saeculo quarto decimo ad saeculum sextum decimum dominatae sunt. Aztec, [astekaʔ] enuntiatum, est verbum Navatlacum pro 'homines ex Aztlan', loco mythologico culturae saeculi quarti decimi, et deinde ut nomen ad definiendum populum Mexicanum ascitum. Saepe nomen Aztecus solum attingit ad populum Mexicanum urbis Temistitlanae (nunc locus Mexicopolis), in insula in Lacus Texcoco situm, qui se Mexica Tenochca vel Colhua-Mexica appellaverunt.

Nomen aliquando incolas binarum principalium civitatum urbanarum consociatarum Temistlitanae comprehendit, Acolhuas Texcoci et Tepanecos Tlacopani, qui una cum Mexicis Triplex Aztecorum Foedus constituerunt, societatem politicam quae regionem saepe Imperium Aztecum appellatam temperavit. In aliis argumentis, nomen Aztecus ad omnes varias civitates urbanas et earum incolas spectare potest, qui cum Mexicis, Acolhuis, Tepanecisque magnas eorum historiae ethnicae proprietatesque culturae partes communicaverunt, et qui saepe lingua Navatlaca pro lingua franca usi sunt. Hoc sensu, nomen civilizationem describere potest cui erant permulta culturae exemplaria plurimis populis in Medio Mexico tempore postclassico exeunte habitantibus propria. …