Ecclesia cathedralis S. Stephani
Ecclesia cathedralis S. Stephani

Vindobona sive Vienna (Theodisce: Wien), ad Danubium sita, est caput Austriae et simul una e novem civitatibus Austriacis. Urbs 1.7 decies centena miliorum incolarum est maxima rei publicae, cuius in locis ambientibus quarta pars incolarum Austriae (i.e. 2.4 decies centena miliorum) habitat. Quoad incolas Vindobona est decima Unionis Europaeae urbs. Una est ex quattuor sedibus publicis Nationum Unitarum. Aliae organizationes internationales magni momenti, quarum sedes primaria est Vindobonae, sunt OPEC, OSCE/OSZE et IAEA.

Vindobona, olim caput imperialis sedesque principum domus Habsburgensis atque simul caput Sacri Imperii Romani, per saecula in rebus culturalibus politicisque locus medius Europae erat. Anno 1910 Vindobona magnitudine quarta post Londinium, Novum Eboracum et Lutetiam orbis terrarum urbs plus quam vicies centena miliorum incolarum habuit. Primo bello mundano confecto ferme quartam incolarum partem amiserat