Eugenius Zamjatin

Eugenius Ioannis filius Zamjatin (Russice Евгений Иванович Замятин, tr. Evgenij Ivanovič Zamjatin; 1 Februarii 1884 – 10 Martii 1937) fuit scriptor Russicus.

Eugenius Zamjatin

Res apud Vicidata repertae:

Eugenius Zamjatin: imago

Eugenius Zamjatin: subscriptio

Nativitas: 20 Ianuarii 1884; Lebedyan
Obitus: 10 Martii 1937; Circumdarium XVI Lutetiae
Patria: Imperium Russicum, Unio Sovietica
Nomen nativum: Евге́ний Ива́нович Замя́тин

Memoria

Sepultura: Cimetière parisien de Thiais

Biographia

Eugenius Zamjatin natus est die 20 Ianuarii (1 Februarii secundum Calendarium Gregorianum) anno 1884 in urbe Lebedjan' gubernii Tamboviensis Imperii Russici, in familia sacerdotis orthodoxi. Anno 1902 in gymnasio Voronegiae, et anno 1906 in facultate constructionis navium Instituti Polytechnici Petropolitani studium suum complevit. Decennio 191 erat socius factionis bolsevicorum, fuit particeps rerum novarum annorum 1905–1907 in Imperio Russico. Anno 1908 opera sua litteraria publicare incepit. Cum primum bellum mundanum incepit, contra bellum agitabat, propterea anno 1914 exsilio in Kemium affectus est. Tempore Belli Civilis in Russia, quum socialista mansit, actiones administrationis bolsevicorum vituperabat. Annis 1916–1917 erat in Britanniarum Regno, ubi in constructione navium pro Russia participavit. Annis 1920–1921 scripsit mythistoriam utopicam more fictione scientificae saturae nomine Nos («Мы»), in Britanniarum Regno anno 1924, in Unione Sovietica autem anno 1988 primo in lucem editam, de civitate saeculi XXIX, ubi vita civium in omni custodia administrationis affecta est. Opus illud in Unione Sovietica damnatum est, postquam editio operum auctoris eius in terra illa finem habuit. Zamjatin anno 1931, auxilio Maximi Gor'kij, permissionem administrationis Sovieticae pro emigratione recepit, patriam suam exuit et ad mortem suam, quae accidit die 10 Martii 1937, Lutetiae colebat.

Nexus externi

Vicimedia Communia plura habent quae ad Eugenium Zamjatin spectant.