Eduardus Fridericus Poeppig
Eduardus Fridericus (Germ. Eduard Friedrich) Poeppig (natus die 16 Iulii 1798 Plaviae Variscorum, mortuus 4 Septembris 1868 in vico Wahren, qui nunc ad Lipsiam pertinet) zoologus, botanicus, geographus Theodiscus atque explorator Americae Australis erat.
Iuventus et institutio
recensereNatus e familia mercatorum Poeppig ad annum 1810 Scholam Thomanam Lipsiae, deinde Gymnasium Sancti Augustini Grimmae frequentabat. Ab anno 1815 Lipsiae medicinae et rebus naturae studebat.
Itinera ad explorandam Americam
recensereAnnis 1823 ad usque 1832 Poeepig magna itinera per Americam fecit, quas saepe interrupit, ut medicus vel magister pecuniam sibi pararet. Haec itinera fuerunt:
- Cuba (1823 - 1824)
- Pennsylvania, praesertim Centre Comitatus, Susquehanna, Alleghenia (1824 - 1826)
- Chilia, praesertim Vallis Paradisi, Patagonia, Andes; hic e.g. Araucariam primus descripsit (1827 - 1829)
- Peruvia (1829 - 1831); Callao, Limam adiit; hic morsu serpentis summo in periculo fuit.
- Brasilia (1831 - 1832); hic Flumen Amazonum exploravit.
Lipsiae Professor
recensereAnno 1832 cum magno thesauro plantarum in patriam revertebat et anno 1833 Lipsiae professor extraordinarius zoologiae nominatus est. Anno 1834 uxorem duxit, ex qua tres filias habuit. Eodem anno sodalis Academiae Leopoldinae Annis 1834 - 1836 descriptionem itineris[1] duobus libris composuit, quae multis hominibus legabatur, inter eos et Carolus Darwin fuit. Anno 1837 Museum Zoologicum Universitatis Lipsiensis aperuit. Anno 1846 professor zoologiae ordinarius et sodalis Academiae Saxonicae Scientiarum factus est.
Nexus externi
recensere- Opera ab hoc homine vel de eo scripta apud Bibliothecam Nationalem Germanicam (Theodisce)
- Eduardus Fridericus Poeppig apud Catalogum Professorum Lipsiensium