Echidna

Echidna (-ae, f.) (Graece ἔχιδνα 'vipera') est monstrum femininum immortale, partim femina partim anguis, in mythologia Graecorum antiquorum.

Echidna a Pyrrho Ligorio sculpta (1555)

Apud Hesiodum filia esse traditur Phorci et Cetùs, Tartari et Gaiae apud Apollodorum, apud Pausaniam Peirae et Stygos. Eam alii dicunt cum Typhone specum in Lydia habitare, alii apud inferos esse. Necata quoque fertur esse ut latro ab Argo in Peloponneso.

A Typhone et Echidna nati sunt Orthus, canis Geryonis, hydra Lernaea, Cerberus, Chimaera, leo Nemeaeus, draco Hesperidum, aquila Promethei, Scylla. Pugnae contra talia monstra immania in acceptissimis operibus artificum antiquorum spectare licet.

Fontes

• Hesiodi Theogonia, 295-332.

Plura legere si cupis

• Igor Baglioni, Echidna e i suoi discendenti : studio sulle entità mostruose della "Teogonia" esiodea, Romae, Edizioni Quasar, 2017 Recensio critica
• Monica Visintin, "Di Echidna, e di altre femmine anguiformi", Mètis. Anthropologie des mondes grecs anciens, 1997ː 205-221