Dodecahedron Romanum
Dodecahedron Romanum est parva res concava, aere vel lapide facta, forma dodecahedri: duodecim planarum facierum pentagonarum,? quarum quaeque rotundum foramen in medio habet, quod ad medium concavum conectitur. Dodecahedra Romana a saeculis secundo vel tertio faciebantur.
Paene centum horum dodecahedrorum inventa sunt, ab Anglia ad Hungariam, et ad orientem Italiae, quorum plurima in Francia et Germania inventa sunt. Magnitudine a 4 cm ad 11 cm, inter se texturis variant. Plurima aere, sed aliquae ut videtur lapide facta sunt.
Usus dodecahedrorum res occulta manet; nulla mentio apud auctores suorum saeculorum reperitur. Usus opinabiles sunt candelabra (cera intra unum exemplum inventa est); tali; instrumenta mensurae; calibratio aquaeductuum; et fundamenta aquilarum militarium. Subiciuntur quaedam fuisse res religiosae; haec coniectura adfertur quod plurima exempla in locis culturae Gallo-Romanae inventa sunt.[1][2]
Notae
recensere- ↑ Henig, Martin (1984), Religion in Roman Britain, Routledge, p. 128, ISBN 0713460474
- ↑ Kilford, L.J.P. (December 2004), "A Mathematical Tourist in Germany", Mathematics Today 40 (6): 204
Bibliographia
recensere- Hill, C. 1994. "Gallo-Roman Dodecahedra: a progress report." The Antiquaries' Journal 74:289–292.
Nexus externi
recensere
|
Vicimedia Communia plura habent quae ad Dodecahedron Romanum spectant (Roman dodecahedra, Roman dodecahedron). |
- Dodecahedra Romana (et unum icosahedron Romanum)
- Interretiale antiquitatum museum. Universitas Newcastle.