Desertum Gobium[1] est magna regio deserta in Asia sita. Quae septentrionales et boreorientales Rei Publicae Popularis Sinarum et australes Mongoliae partes tegit. Area deserti circa 1 300 000 chm2 est. Longitudo ab oriente ad occidentem circa 1600 chm, a meridie ad septentriones circa 800 chm. In planitie elata situm est, a 910 ad 1520 m super aequor maris.

Tabula geographica Deserti Gobii (Anglice).
Thinia Gobiensia in Mongolia Interiore

Situs et partes recensere

A parte occidentali montibus Tian Schan et montium Altaicorum parte Mongolica et deserto Takla Makan conterminum est. A parte septentrionali steppae Mongolicae Gobio adiacent. A parte orientali planities elata Sinensis Borealis ad desertum adit. A parte australi fluminis Flavi valle et valle Tarimi sub montibus Cunlunensibus Gobium conterminum est.

In multas regiones Gobium dividitur. In Mongolia austroocidentali Gobium Transaltaicum[2] in demissione montana situm est. Gobium Mongolicum ei orientem versus adiacet, quae pars est Gobii maxima. Inter Gobium Mongolicum et vallem fluminis Flavi Gobium Alaschanicum[3] situm est.

 
Saxa in deserto

Clima recensere

Clima Gobii est continentale acerrimum; nam hieme gelu usque ad -40 gradus Celsianos esse potest, aestate usque ad +45°C desertum calefit. Per diem temperatura in 35°C mutari potest.

 
Gobium prope ad Dūnhuáng urbem Sinarum

Nexus interni

Notae recensere

  1. Ebbe Vilborg, Norstedts svensk-latinska ordbok, editio secunda (2009).
  2. Cf. binomina Bienkoxenus transaltaicus, Mainothrus transaltaicus. Cf. "Gobi Transaltaucus".
  3. Cf. binomina Phoenicurus alaschanicus, Spermophilus alaschanicus etc.

Nexus externi recensere

  Vicimedia Communia plura habent quae ad Desertum Gobium spectant.
  Situs geographici et historici: Locus: 42°30′0″N 103°0′0″E • GeoNames • Thesaurus Getty • Store norske Lexikon


 

Haec stipula ad geographiam spectat. Amplifica, si potes!