Aperire sectionem principem
Aspectus meridianus burgi inter hortos

Distans ab itineribus periegeticis magnis ad marginem urbis Erfordiae invenitur Castellum Molsdorf (Theodisce: Schloß Molsdorf) cum viridario perpulcro.

CuratoresRecensere

Anno 1998 opus fundatum Thüringer Schlösser und Gärten quod vocatur curam de castello hortisque dare coepit, cum museo responsalis sit urbs ipsa. Museo insunt duae exhibitiones permanentes de operibus pictoris Thuringiensis Ottonis Knöpfer et de rebus eroticis (graphicis ante omnia).

HistoriaRecensere

Iam saeculo XVI burgum aquaticum in documentis citatur. Tamen haud ante mediam saeculi XVIII effloruit, cum gravio imperialis Gustavus Adolphus de Gotter novum castellum generis Baroci erigi iuberet. Constructiones annis inter 1734 et 1740 confectae sunt. Non solum monumentum artificiale genitum est, sed locus conservans multas plus minusve lubricas historiunculas de gravione Gotter. Qui annis inter 1733 et 1748 convivia sat multa hic egit secundum dictum sibi praelatum "Vive la joie - Vivat gaudium!" Eius spiritus etiam nunc in castelli conclavibus diaetisque sentitur. Tamen gravio De Gotter non solum babaecalus fuit sed etiam legatus valde aestimatus in curte Frederici Magni. Praedium emit anno 1733 et castellum in lucis cupidinem creavit hortis modernis modo Francico additis. Horti revera plene attinent ad castellum. Aulae festivae ianuis grandibus pansis in hortum spectant. Et etiam figurae diversae unionem inter castellum et externa passim sublineant. Olim statuae multae viridarium notum fecerunt, plus quam 150. Quorum multitudo periit; singulae in lapidario parvo in septentrione castelli stant. Gravio De Gotter anno 1748, cum aere dirutus esset, hinc profectus est. Etiam successoribus nimis multo constabat complexus totus, ut horti mox in genus simplicius et magis usitatum mutati essent. Pars altera castelli hodie caespes amplus atque tranquillus est. Ad aliud latus olim prospectus usque vallem fluminis Gerae fuit antequam annis 1930 strata autocinetica loca discinderet. In occidentali ala restantia baroci complexus adhuc sunt, velut xystus magnus tiliarum necnon porta ferro procuso, testimonium de prisca venustate perhibentia. Inde ab anno 1966 visitatoribus patet et museum et viridarium ad excursiones invitans. Concentus in aula festiva interdum etiam fiunt.

Nexus interni

FonsRecensere