Carolus Gomes iunior

Carolus Gomes iunior, vulgo Carlos Gomes aut saepius Cadogo júnior (Bolamae natus die 19 Decembris 1949) est politicus Guineae Bissaviensis. Filius mercatoris divitis, in urbe Bissau et Olisipone in Portugallia educatus, apud Scholam Commercialem et Industrialem Bissaviensem rebus monetariis studere coepit, unde ad centralem civitatum Africae Occidentalis argentariam^(fr) iuxta Dakar porrexit. Denuo universitatem Laval Quebeci frequentavit ubi oeconomiae petrolei studuit.

In patriam reditus director factus est societatis publicae petrolei distribuendi, iussu praesidis Ioannis Bernardi Vieira. Insuper deputatus est iuxta parlamentum ab anno 1994. Primus minister bis meruit, a die 10 Maii 2004 ad 2 Novembris 2005 et a die 2 Ianuarii 2009 usque ad 10 Februarii 2012. Ad officium praesidis anno 2012 candidatus est primusque in primis comitiis accedit, sed die 12 Aprilis 2012 milites gregis Comando Militar, duce Antonio Injai incarceraverunt tam Carolum Gomes quam praesidem ad interim Raimundum Pereira. Quis post quindecim dies liberati refugium in Portugallia petiverunt.

Bibliographia

"Carlos Gomes Junior" in Peter Karibe Mendy, Richard A. Lobban jr, Historical Dictionary of the Republic of Guinea-Bissau 4a ed. (Lanham: Scarecrow Press, 2013) pp. 206-209 (Paginae selectae apud Google Books)
Rémi Carayol, "Guinée-Bissau : Carlos Gomes Junior, presque président et déjà contesté" in Jeune Afrique (4 Aprilis 2012)
Vincent Duhem, "Guinée-Bissau : second tour Gomes-Yala dans un climat de peur" in Jeune Afrique (22 Martii 2012)

Nexus externi

"Guiné-Bissau/Eleições: Carlos Gomes Jr, o homem sobre quem recaem as esperanças" (4 Aprilis 2004) apud UOL
"Carlos Gomes júnior é o novo presidente de Guiné Bissau^{[nexus deficit]}" [sic per anticipationem egregiam] (18 Martii 2012) apud Pravda News
"Perfil de Carlos Gomes júnior" apud Movimento Cadogo Presidente Marrocos Fés
Domingos Pereira, "As contas de uma amizade" apud Projecto Guiné-Bissau
Vita apud Panapress
Biographia apud PAIGC paginam interretialem (Lusitanice)

Primi ministri Guineae Bissaviensis 1991–


Carolus Correia 1991 • Manuel Saturninus da Costa 1994 • Carolus Correia 1997 • Franciscus Fadul 1998 • Caietanus N'Tchama 2000 • Faustinus Imbali 2001 • Alamara Nhassé 2001 • Marius Pires 2002 • Arthurus Sanhá 2003 • Carolus Gomes iunior 2004 • Aristides Gomes 2005 • Martinus Ndafa Kabi 2007 • Carolus Correia 2008 • Carolus Gomes iunior 2009 • Rui Eduardus de Barros 2012 • Dominicus Simões Pereira 2014 • Baciro Djá 2015 • Carolus Correia 2015 • Baciro Djá 2016 • Umaro Sissoco Embaló 2016 • Arthurus Silva 2018 • Aristides Gomes 2018 • Faustinus Imbali 2019 • Nuno Gomes Nabiam 2020 • Geraldus Martins 2023 • Rui Eduardus de Barros 2023 Opus geopoliticum • Gubernatores civitatum Africanarum hodiernarum Capsae cognatae: Praesides Guineae Bissaviensis • Ministri rerum externarum Guineae Bissaviensis