Brachypeza archytas

Plantae — Angiospermae

Monocotyledones 
Ordo : Asparagales 
Familia : Orchidaceae 
Subfamilia : Epidendroideae 
Tribus : Vandeae 
Subtribus : Aeridinae 
Genus : Brachypeza 
Species : B. archytas 

Brachypeza archytas 
(Ridl.) Garay  

Synonyma

* Saccolabium archytas Ridl. (1891)

• Sarcochilus archytas (Ridl.) Schltr. (1913)

Brachypeza archytas (anno 1972 descripta) est epiphytica tribus Vandearum orchis, in Insula Christi Natalis in territorio Australiano in Oceano Indico septentrio-orientali endemica. Epitheton specificum Archytan philosophum Graecum honorat.

Descriptio

Caules huius orchidis a radicibus aeralibus celantur. Plantae sunt quattuor vel quinque folia lorata, 100–220 mm longa et 16–26 mm lata, inaequaliter bilobata, flabellum formantia. Inflorescentia est 150–350 mm longa, pedunculo longo anulato, et rhachi multis parvisque (8–10 mm) floribus confertis albisque praedita.

Distributio et habitatio

Solum in Insula Christi Natalis inventa, haec orchis est communis, praecipue in silva pluviali per inferiores insulae ambulationes marinas^? (Anglice: marine terraces), ubi ea saepe in magnis infimis arborum truncis habitat, sicut truncis Tristiropsis acutangulae et Gyrocarpi americani.

Nexus externi

• Photographema Brachypezae archytae a Davide Banks factum
• "Brachypeza archytas (Ridl.) Garay". Flora of Australia Online. Australian Biological Resources Study. 1993