Braarudosphaera bigelowii

Braarudosphaera bigelowii est species algarum unicellularium ordinis Coccolithalium, cuius testa dodecahedri formam exhibet.

Braarudosphaerae testam (sceletum nempe externum) e duodecim squamis pentagonalibus (quae ergo pentalithi dicuntur) calcareis constitutam habent, quae squamae simul dispositae dodecahedron regulare efformant. Nomen huius generis Trygve Braarud, botanistam Norvegicum commemorat,^[1] species autem hodiernae intra hoc duae sunt, B. bigelowii (Gran & Braarud) Deflandre et B. magnei Lefort. Ambae species marinae et plancticae sunt.^[2]

Braarudosphaera bigelowii celeberrima est primo propter longaevitatem suam, cum fossilia huius speciei in petris Cretaceis (ante circiter 100 000 000 annorum formatis) inventae sint, e quo constat hanc speciem exstinctionem ad terminum Cretacei Palaeogenique superfuisse;^[3] secundo autem propter organellum apud nulla alia Eukaryota inventum, nitroplastum scilicet, cuius gratia haec alga nitrogenium atmosphaericum assimilare potest.^[2]^[4]

Notae

↑ Deflandre, Georgius (1947) Braarudosphaera nov. gen., type d'une famille nouvelle de Coccolithophoridés actuels à éléments composites. Comptes rendus hebdomadaires des séances de l'Académie des sciences publiés... par MM. les secrétaires perpétuels, 225: 439–441.
↑ ^2.0 ^2.1 Hagino, Kyoko; Onuma, Ryo; Kawachi, Masanobu & Horiguchi, Takeo (2013). Discovery of an endosymbiotic Nitrogen-fixing Cyanobacterium UCYN-A in Braarudosphaera bigelowii (Prymnesiophyceae). PLOS ONE. 8 (12): e81749.
↑ Jones, Heather L.; Scrobola, Zacharias & Bralower, Timotheus J. (2021) Size and shape variation in the calcareous nannoplankton genus Braarudosphaera following the Cretaceous/Paleogene (K/Pg) mass extinction: clues as to its evolutionary success. Paleobiology, 47 (4): 680–703.
↑ Massana, Ramon (2024) The nitroplast: A nitrogen-fixing organelle. Science, 384 (6692): 160–161.

[1] Deflandre, Georgius (1947) Braarudosphaera nov. gen., type d'une famille nouvelle de Coccolithophoridés actuels à éléments composites. Comptes rendus hebdomadaires des séances de l'Académie des sciences publiés... par MM. les secrétaires perpétuels, 225: 439–441.

[:0-2] 2.0 ^2.1 Hagino, Kyoko; Onuma, Ryo; Kawachi, Masanobu & Horiguchi, Takeo (2013). Discovery of an endosymbiotic Nitrogen-fixing Cyanobacterium UCYN-A in Braarudosphaera bigelowii (Prymnesiophyceae). PLOS ONE. 8 (12): e81749.

[3] Jones, Heather L.; Scrobola, Zacharias & Bralower, Timotheus J. (2021) Size and shape variation in the calcareous nannoplankton genus Braarudosphaera following the Cretaceous/Paleogene (K/Pg) mass extinction: clues as to its evolutionary success. Paleobiology, 47 (4): 680–703.

[4] Massana, Ramon (2024) The nitroplast: A nitrogen-fixing organelle. Science, 384 (6692): 160–161.

[1]

[2]

[3]

[4]