Barringtonia asiatica

Barringtonia asiatica est species Barringtoniae in salinis litorum tropicorum habitationibus et insulis oceanorum Indici et Pacifici occidentalis, a Zanzibar ad Taivaniam, Philippinas, Novam Caledoniam, et Vitios, et ad Samoam, Tongam, et Micronesiam endemica, et in Havaios introducta (Whistler 1992:21). Vulgo appellatur "fructus quadratus" quia pyxiformem producit fructum (Thiel & Gutow 2004).

Folia et flos aperiens

---

Plantae — Angiospermae

Eudicotyledones 
Asteridae 
Ordo : Ericales 
Familia : Lecythidaceae 
Genus : Barringtonia 
Species : B. asiatica 

Barringtonia asiatica 
(L.) Kurz  

Conservationis status

LR/lc

Vigens (IUCN 2.3)

Synonyma

Barringtonia speciosa J. R. Forst. & G. Forst

Imago ex libro Flora de Filipinas

Fructus immaturus, pugni magnitudine

Flos super solum

Species est parva ad media arbor, quae a 7 ad 25 m crescit. Folia sunt angusta obovataque, 20–40 cm longa et a 10 ad 20 cm lata. Fructus, sicut supra dictus, habet latera quae res cruciformes diagonaliter prominent. Fructus est 9–11 cm diametro, ubi crassa spongiosaque caro fibrosa singulare semen 4–5 cm diametro contegit.

Fructus, levissimi et aquam salsam maxime resistentes, disperguntur similiter ut Cocos nucifera (Tsou et Mori 2002), a fluctu oceanico, ubi innantes quindecim annos possunt superesse (Thiel & Gutow 2004). Barringtonia fuit una ex primis plantis quae insulam Anak Krakatau coloniam deducit cum hic mons ignifer post eruptionem Krakatau apparuisset. Semina, ad litus lata et a pluvia madefacta, germinant.

Omnes arboris partes sunt venenosae, et venena saponina comprehendunt.

Flores, magni et rosei-albi, forma sicut pompom, odorem dulcissimum suavissimumque emittunt ad attrahendos vespertiliones et heterocera, quae flores noctu pollinant.

In Samoa et Samoa Americana, infusio seminis rasi ad cutis ulcera (Samoane: papala) aliquando adhibetur (Whistler 1996:69).

Bibliographia

• Thiel, M., et L. Gutow. 2004. "The ecology of rafting in the marine environment. I." Oceanography & Marine Biology: An Annual Review 42:181–263. Doi=10013/epic.20198.d001 [1]^{[nexus deficit]}
• Tsou, C.-H., et S. A. Mori. 2002. "Seed coat anatomy and its relationship to seed dispersal in subfamily Lecythidoideae of the Lecythidaceae (The Brazil Nut Family)." Botanical Bulletin of Academia Sinica 43:37–56. [2]^{[nexus deficit]}
• Whistler, W. Arthur. 1992. Flowers of the Pacific Island Seashore: A Guide to the Littoral Plants of Hawai'i Tahiti Samoa Tonga Cook Islands Fiji and Micronesia. Honolulu: Isle Botanica. ISBN 0-8248-1528-9.
• Whistler, W. Arthur. 1996. Samoan Herbal Medicine. Honolulu: Isle Botanica. ISBN 0-9645426-2-5.

Nexus externi

Vicimedia Communia plura habent quae ad Barringtonia asiatica spectant.

Vide "Barringtonia asiatica" apud Vicispecies.