Andreas Divus

Andreas Divus

Res apud Vicidata repertae:

Nativitas: 1490; Iustinopolis
Obitus: 1548;
Patria: Sacrum Romanum Imperium

Andreas Divus Iustinopolitanus (Italiane Andrea Divo di Capodistria), qui saeculo sexto decimo floruit et Iustinopoli, ut videtur, aetatem degebat, fuit humanista Italicus et interpres Graeco-Latinus.

Anno 1537, Venetiis Homeri poematum amborum et hymnorum et Batrachomyomachiae versionem Latinam oratione soluta factam edidit cum praefatione Petri Pauli Vergerii; Aristophanem et Theocritum etiam vertit. Obertus Giphanius^(de) et Ioannes Spondanus textum Divi Homericum in editiones suas incluserunt; sic multis notus est Homerus Divianus; et Georgius Chapmanus et Cyriacus Kondratovič editione Spondani freti sunt. Ezra Pound Divum memorat (The Cantos, carmen I).

Homerum in somnio se vidisse Divus narrat.

Nexus externi

• Ilias Divi
• Odyssea et hymni et Batrachomyomachia
• Divus in Thesauro CERL
• Divus in WorldCat

Bibliographia

• Fay, H. C. 1951. Chapman's Materials for his Translation of Homer, Review of English Studies, Volume II, Issue 5, pp. 121-128.
• Sowerby, Robin. 1996. The Homeric Versio Latina.