Alexius I (imperator Trapezuntinus)

Vide etiam paginam discretivam: Alexius Comnenus.

Alexius Comnenus (Graece Ἀλέξιος Κομνηνός; natus anno fere 1182; mortuus die 1 Februarii 1222) fuit nobilis Byzantinus e familia Comnenorum.Fuit filius Manuelis Comneni quem e Rusudan (filiam Georgii III regis Georgiae) genuit. Adiuvante avuncula Thamar, Alexius una cum fratre Davide) anno 1204 (Constantinopoli a militibus quartae expeditionis sacrae obsessa) urbem Trapezuntem cepit regionemque Ponticam debellavit. Fuit igitur conditor imperii Trapezuntini. Alexius in matrimonium duxisse creditur filiam Ioannis Comneni "Crassi" et ex ea genuisse:

• filia (praenomine ignoto), Andronici I imperatoris uxor
• Ioannes, imperator futurus
• Manuel, imperator futurus

Urbs Trapezus, muris antiquis cincta, anno fere 1718 picta

Alexio anno 1222 mortuo, filiis masculis etiam iuvenibus, gener Andronicus imperium suscepit.

Fontes

• Michael Panaretus, De imperatoribus Trapezuntis 1

Bibliographia

• Cyril Toumanoff, "On the relationship between the founder of the Empire of Trebizond and the Georgian Queen Thamar" in Speculum vol. 15 (1940) pp. 299–312
• K. Varzos, Η γενεαλογία των Κομνηνών (2 voll. Thessalonicae, 1984 1A 1B 2) no. 244

Imperatores Trapezuntini

Alexius I 1204 • Andronicus I 1222 • Ioannes I 1235 • Manuel I 1238 • Andronicus II 1263 • Georgius 1267 • Ioannes II 1280 • Alexius II 1297 • Andronicus III 1330 • Manuel II 1332 • Basilius 1332 • Irene 1340 • Anna 1341 • Ioannes III 1342 • Michael 1344 • Alexius III 1349 • Manuel III 1390 • Alexius IV 1412 • Ioannes IV 1429 • David 1458–1461 Index Imperatorum Trapezuntinorum • Imperium Trapezuntinum Capsae cognatae: Imperatores Constantinopolitani • Imperatores Latini