Alexandropolis (Armenia)

Alexandropolis^[1], vulgo hodie Giumri (Armenice Կիւմրի) est urbs Armeniae magna. In Armenia septentrio-occidentali sub monte Aragatz Anticaucasi in planitie 1500 m altitudinis super aequor maris sita est. Incolas 121 976 annno 2011 habuit.

Vide etiam paginam discretivam: Alexandropolis (discretiva).

Historia

Historici Armeniae a saeculo VIII Kumairi urbem noverant. Non satis clarum est, an a Cymmeriorum populo hoc nomen originem duceret. Pars regni Armenici erat, sed anno 1555 Persia Kumairi cepit; ab anno 1801 Imperii Russici pars. Anno 1837 arx ibi aedificata est, Alexandropolis nomine Alexandrae Theodori filiae Nicolai I uxoris nuncupata). Ab anno 1924 ad 1991 in Armenia Sovietica Leninakan (scilicet Leninopolis Armenice) nominabatur, A terrae motibus multa damna ferebat. Ab anno 1991 iterum Kumairi et Giumri. Universitas Nationalis quae hodie Erevani in urbe capitali floret, anno 1919 Alexandropoli condita est.

Via Abovianis Alexandropolitana

Notae

↑ Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 464.

Nexus externi

Situs geographici et historici: Locus: 40°47′0″N 43°50′0″E • GeoNames • Facebook Places • Store norske Lexikon • Большая российская энциклопедия

[1] Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 464.

[1]