Abdomen

Abdomen (abdominis, n.) est pars corporis hominis vel alii animalis inter thoracem et pelvim sita. Intra cavitatem abdominalem multa membra continere potest, inter quae iecur, intestinum, renes, stomachum. Cavitas abdominalis ipsa dividitur in partes tris: cavitas peritonealis peritoneo cincta, a tergo spatium retroperitoneale, infra spatium subperitoneale. Partes illorum deorsum ossibus pelvis cinctae cavitatem pelvis formant.

Cave: notitiae huius paginae nec praescriptiones nec consilia medica sunt.

Acervus intra cavitatem abdominalis liquoris ascites (sive hydrops abdominis, sive hydraskos) dicitur, sanguinis haemoperitoneum (sive haemaskos), lymphae chyloperitoneum (sive chylaskos), gasis pneumoperitoneum (sive pneumaskos).

Musculi abdominis

Musculi abdominis sunt:

• musculus rectus abdominis
• musculus pyramidalis
• musculus obliquus externus abdominis
• musculus obliquus internus abdominis
• musculus transversus abdominis
• musculus quadratus lumborum
• musculus sacrococcygicus ventralis
• musculus sacrococcygicus dorsalis
• musculus coccygicus

Regiones abdominis

Regiones abdominis

Ex consuetudine duo schemata applicantur: novem regionum schema et quattuor regionum schema. Ita dividit utrumque schema abdomen in partes vel novem vel quattuor. Secundum primum binae lineae, duae horizontales et duae verticales applicantur, secundum alterum alterum singulae lineae, una horizontalis, una verticalis.

4 regionum schema

Quadrans superior dexter (QSD)	Quadrans superior sinister (QSS)
Quadrans inferior dexter (QID)	Quadrans inferior sinister (QIS)

Omphalocele

Prominentia umbilici magis tumens omphalocele nominatur.

Nexus interni

• Anatomia
• Peritonitis