Vladimirus Komarov (cosmonauta)

Vladimirus Michaelis filius Komarov (Russice Владимир Михайлович Комаров, tr. Vladimir Michajlovič Komarov; Moscuae natus die 16 Martii 1927, in regione Orenburgensi mortuus die 24 Aprilis 1967) fuit cosmonauta Sovieticus, praefectus astronavium. Volatum suum cosmicum primum diebus 12 et 13 Octobris 1964 cum Constantino Feoktistov et Bori Egorov in astronave Voschod-1 (Восход-1) perfecit. Hic fuit volatus primus, simul a grege cosmonautarum factus. Volatum suum secundum diebus 23 et 24 Aprilis 1967 in astronave Sojuz-1 (Союз-1) solus fecit, sed tempore descensus umbrellae descensoriae depravatae causa periit. Komarov fuit primus cosmonautarum, in volatu mortuorum. Titulo Herois Unionis Sovieticae (anno 1964 et anno 1967, post mortem) nonnullisque aliis signis laudis ornatus est.

Nexus externi

Vicimedia Communia plura habent quae ad Vladimirum Komarov spectant.