Vita Apollonii Tyanei
Vita Apollonii Tyanei est biographia a sophista Philostrato Atheniensi circa annum 220 Graece scripta. In hoc libro Philostratus praetendit se multis fontibus usum esse de Apollonio, inter quos numerat epistulas Apollonio ipso tributas, opus Maximi Aegaeensis, vitam in quattuor libris a Moeragene confectam, sed praecipue libellos a Damide quodam, Nini incola, scriptos et Philostrato ab imperatrice Iulia Domna datos.
Philostratus scribit Apollonium, Tyanae in Cappadocia natum, philosophum asceticum, in Italiam, Hispaniam, Nubiam, Mesopotamiam, Indiam iter fecisse; in India inter alia philosophum Iarcham cognovisse. Dicit Apollonium post mortem in caelum assumptum fuisse.
Deinde Apollonius a pluribus imperatoribus Romanis Severanis veneratus est, et scriptores pagani eum cum Iesu comparaverunt.[1]
Notae recensere
- ↑ Oxford Classical Dictionary, s.v. "Apollonius (12), of Tyana".