Ukiyo-e

Ukiyo-e (浮世絵, "imagines mundi fluctuantis") est nomen proprium imaginum ligno incissarum et chartae impressarum quae in Iaponia a fine saeculi XVIImi conficiebantur.

Quaedam imago "ukiyo-e" actricis theatri "cabuci".

Hae imagines quae saepe calamo elegantissimo exarabantur non solum in Iaponia sed etiam in vetere Europa nec non in America maxime aestimabantur et aestimantur.

Historia

Circa annum 1670, post tempus primorum conaminum, incipit reapse historia "ukiyo-e" quorum primi artifices fuerunt Iwasa Matabei sed praecipue Moronobu et Sugimura Jihei.

Moronobu maximi momenti fuit in novo genere artis "ukiyo-e" creando, cuius a multis ut auctor paterque reputatur esse.