Trubczevscum

Trubczevscum^[1] (Russice Трубчевск) est urbs in regione Branscensi Russiae. In ripis Desnae fluvii stat. Circa 13 milia incolarum (anno 2020) habet.

Historia

Tempore antiquo Trubczevscum Trubeč, Trubež, Trubetsk nominabatur. Primo urbs in ripa Desnae alio loco, ubi nunc Kvetun' vicus, sita erat. Vsevolodus Sventoslai filius cognomine Taurus Turbidus^[2], "Fabulae de expeditione Inguari" persona, Inguari frater, Trubczevsci dux erat. A saeculo XII Trubczevscum ducatus Trubczevscensis sui iuris caput erat. Anno 1240 a Mongolis ducatus captus est, anno 1356 ab Olgerdo magno duce Lituaniae, qui Demetrio filio suo Trubczevscum dedit. Ab hoc Demetrio gens principum Trubeckoj notissima originem cepit. Annis a 1503 ad 1609 Trubczevscum Moscuense erat, a 1609 usque ad 1644 Polonicum et a 1644 Russicum.

Museum Trubczevscense

Notae

↑ Historiae Ruthenicae scriptores: exteri saeculi XVI..., ed. Adalbertus de Starczewski, vol. II, p. 74. (Textus apud Google Books)
↑ Russice Буй-Тур.

Nexus externi

Vicimedia Communia plura habent quae ad Trubczevscum spectant.

Situs geographici et historici: Locus: 52°35′0″N 33°46′0″E • GeoNames • Большая российская энциклопедия

[1] Historiae Ruthenicae scriptores: exteri saeculi XVI..., ed. Adalbertus de Starczewski, vol. II, p. 74. (Textus apud Google Books)

[2] Russice Буй-Тур.

[1]

[2]