The Four Seasons (ganea)

ganea

The Four Seasons (nomen Anglicum, scilicet "Quattuor stationes anni") fuit ganea seu popina sellariola Manhatae in urbe Novo Eboraco anno 1959 condita. Ab hoc anno in via quinquagesima secunda orientali ad numerum 99 stetit sub aedificio Seagram, eodem anno architectis Ludovico Mies van der Rohe et Philippo Johnson exstructo. Ibi usque in diem 16 Iulii 2016 manebat. Quo die clausa, syngrapha conductionis non renovata, apud numerum 42 viae quadragesimae nonae orientalis, aulis minoribus, anno 2018 iterum aperta, usque in diem 11 Iunii 2019 acta est.

"Aula cisternae" apud ganeam The Four Seasons
Triclinium privatum

Iussu Phyllidis Lambert ganea ipsa ab eisdem architectis ornata est quibus omne aedificium Seagram, praecipue a Philippo Johnson. Instrumentum domesticum Ada Ludovica Huxtable maritusque Garth Huxtable designaverunt, supellectilia autem Eero Saarinen, Hans Wegner, alii. Marcus Rothko commissionem picturarum muralium suscepit atque postea renuntiavit: picturae, quas iam confecerat, hodie Londinii in pinacotheca Tate, Tokii in Museo Kawamura, Vasingtoniae in pinacotheca artium nationali ostentantur. Statua a Ricardo Lippold, picturae murales a Iacobo Rosenquist factae aulas ganeae ornabant necnon aulaeum scaenicum a Paulo Picasso anno 1919 pro Ballationibus Russis[en] creatum. Consiliarius de re coquinaria fuit Iacobus Beard gastronomus.

BibliographiaRecensere

 
Instrumentum domesticum ganeae The Four Seasons

Nexus externiRecensere

  Vicimedia Communia plura habent quae ad The Four Seasons (ganea) spectant.