Tal'nikovyj

Tal'nikovyj (Russice Тальниковый, i.e. Salictaria) est aqua altissime Russiae cadens. In Putorana planitie elata (territorium Crasnoiarense) sita est. Rivus eiusdem nominis (Tal'nikovaja, Salictarius) de cacumine plano montis Trapezii ad lacum Diupkunem ruit; per quindecim gradus aqua in 500 vel 600 m cadit (nam variae expeditiones de varia altitudine referunt). Temporalis est deiectus, nam solum tempore eluvionis vernae videri potest. Eluvio verna his locis mense Iunio fit, cum lacus iam glacie fracta opertae sunt et ad navigandum inaccesibiles, et aliae viae his locis absunt, nisi helicopterorum volatus. Anno 1975 a Michaele Basilii filio Afanas'ev aqua cadens Tal'nikovyj primo inventa est.

Nexus externi

Situs geographici et historici: Locus: 68°26′44″N 93°17′40″E • Большая российская энциклопедия