Systema polare coordinatarum

In mathematica, systema polare coordinatarum, sive systema coordinatarum polarium, est systema coordinatarum duarum dimensionum in qua omne punctum in plano situm distantiâ a puncto relationis et angulo a directione relationis definitur. Punctum relationis, originis systematis coordinatarum Cartesiani similis, polus appellatur, et linea a polo in directionem relationis iens axis polaris appellatur. Distantia a polo radius vel coordinata radialis appellatur, et angulus coordinata angularis, angulus polaris, vel azimuth.

Puncta in systemate polari coordinatarum, ubi O est polus et L est axis polaris. In linea viridi est punctum coordinatae radialis 3 et coordinatae angularis 60 graduum, sive (3,60°). In linea caeruleo est punctum (4,210°).