Styra

Haec pagina de demo Graeco in Euboea sito narrat. Si urbem Austriacam quaeris, vide Styra (Austria Superior).

Styra (Graece: Στύρα) est vicus et pristinus demus Euboeae (Δήμος Στυραίων) 2840 incolarum (status: 2010) in Graecia. Ab administratione reformata anni 2011 (vide: Libellum Callicratis) est "unitas popularis" (δημοτική ενότητα) Carysti demi.^[1]

Historia

Hodie duo sunt vici (Nova et Vetera Styra), inter quos urbs antiqua homonyma iacebat. Iam ab Homero commemorata est;^[2] primi nuntii historici a tempore belli Persici oriuntur. Tempore Romano Styra (una cum Carysto) ob marmor Carystium nota erat; lapicidinae antiquae adhuc videri possunt. Prope a lapicidinis sunt domus "δρακόσπιτα" (i.e. domus draconum) vocatae magnis saxis (monolithis) aedificatae, quae non erant sacra antiqua, ut putabatur, sed dormitoria eorum, qui in lapicidinis laborabant.^[3]

Notae

↑ Lex Callicratis Ministerium rerum domesticarum Graeciae
↑ Ilias 2,539: Οἵ τε Κάρυστον ἔχον ἠδ᾽ οἳ Στύρα ναιετάασκον
↑ Vox Styra, in: Siegfried Lauffer (Ed.): Griechenland. Lexikon der historischen Stätten. Von den Anfängen bis zur Gegenwart. Augustae Vindelicorum 1999.{Theodisce}

[1] Lex Callicratis Ministerium rerum domesticarum Graeciae

[2] Ilias 2,539: Οἵ τε Κάρυστον ἔχον ἠδ᾽ οἳ Στύρα ναιετάασκον

[3] Vox Styra, in: Siegfried Lauffer (Ed.): Griechenland. Lexikon der historischen Stätten. Von den Anfängen bis zur Gegenwart. Augustae Vindelicorum 1999.{Theodisce}

[1]

[2]

[3]