Stratum aquiferum
Stratum aquiferum[1] vel aquifer[2] est telluris pars, saxis sedimentariis compositum; aquam terrestrem aquifer fert. Stratum aquiferum inter duo strata aquae impermeabilia[3]; stratum aquiferum supremum inter stratum impermeabile et zonam aerationis iacet; aqua eius aqua tellurica nominatur. Arena, dolomites, calcarea partem magnam stratorum aquiferorum componunt; strata aquae impermeabilia argillosa vel lapidosa sunt. Stratum aquiferum unum e multis stratis sensu geologico et mineralogico diversis coniungi potest, si sensu hydraulico unus est.
.PNG)
1 — Stratum aquiferum
2 — Stratum aquae impermeabile
3 — Zona aerationis sicca
4 — Aequor aquae telluricae
5 — Aquifer sub pressione
6 — Aquifer sine pressione
7 — Puteus altus
8 — Puteus vulgaris
9 — Puteus artesianus
Aquaeductuum pars magna aquis terrestribus ex aquiferis sumptis utitur. Aqua tellurica in strato aquifero supremo pressione atmosphaerica solita premitur et nullo propulsu exit; putei vulgares aqua aquiferi supremi pleni sunt. Strata aquifera inferiora duobus stratis impermeabilibus compressi sunt, et aqua eorum per foramina facta magno propulsu scatet; putei artesiani[4] (vel foramina artesiana) hanc aquam artesianam dictam sursum ferunt.
Notae
recensere- ↑ M. Kirpicznikov et N. Zabinkova, Lexicon Rossico-Latinum in usum botanicorum, Leninopoli 1977, s.v. водоносный слой.
- ↑ Et horizon aquifer.
- ↑ M. Kirpicznikov et N. Zabinkova, Lexicon Rossico-Latinum in usum botanicorum, Leninopoli 1977, s.v. водонепроницаемый.
- ↑ Cf. versionem Latinam vocabuli Hispanici artesianus apud Iosephum Ioannem del Col (2007). Diccionario Auxiliar Español-Latino. Sinu Albo: Institutum Superius Ioannes XXIII. p. 94. ISBN 9789509771345 [PDF]
Nexus externi
recensere- De aquiferis in National Geographic (Anglice)
- De aquiferis in USGS (Anglice)
- De aquiferis in Encyclopaedia aquae (Russice)